ന്യുയോർക്ക് : റോക്ക്ഫെല്ലർ കാപ്പിറ്റൽ മാനേജ്‌മെന്റ് ചെയർമാൻ / മാനേജിങ് ഡയറക്ടർ ആയി ഇന്ത്യൻ അമേരിക്കൻ രുചിർ ശർമ്മ ചുമതലയേറ്റു . റോക്ക് ഫെല്ലർ ചീഫ് എക്സിക്യു്ട്ടീവ് ഓഫീസർ ഗ്രിഗറി ഫ്ലെമിങ് ഫെബ്രു.10 ന് വെളിപ്പെടുത്തിയതാണ് പുതിയ നിയമനം .
റോക്ക് ഫെല്ലേഴ്സ് ഗ്ലോബൽ ഫാമിലി ഓഫീസ് അഡൈ്വസറായും രുചിർ പ്രവർത്തിക്കും . മോർഗൻ സ്റ്റാൻലി ഇൻവെസ്റ്മെന്റ് മാനേജ്‌മെന്റ് ചീഫ് ഗ്ലോബൽ സ്ട്രാറ്രജിസ്റ്റായി പ്രവർത്തിച്ചു വരികയായിരുന്നു അദ്ദേഹം . ശർമയുടെ ബഹുമുഖ കഴിവുകൾ കമ്പനിയുടെ വളർച്ചക്ക് പ്രയോജനകരമായിരുക്കുമെന്ന് സി.സി.ഇ ഗ്രിഗറി പറഞ്ഞു .
നേവൽ പാഫീസറുടെ മകനായി ബോംബെയിലായിരുന്നു ശർമയുടെ ജനനം .ഡൽഹി ശ്രീറാം കോളേജിൽ നിന്നും ബിരുദം നേടി .
ഇൻവെസ്റ്റർ , ഫണ്ട് മാനേജർ എന്ന നിലയിലും ആഗോള സാമ്പത്തിക - രാഷ്ട്രീയ വിഷയങ്ങളെക്കുറിച്ച് ആധികാരികമായി നിരവധി ഗ്രന്ഥങ്ങൾ രചിച്ചും പ്രശ്‌സതനായ വ്യക്തിയാണ് ശർമ്മ . വാർത്താ മാധ്യമങ്ങളിലും , മാസികകളിലും ദീർഘകാലം കോളമിസ്റ്റായും ശർമ്മ പ്രവർത്തിച്ചിരുന്നു .
2012 ൽ ആദ്യമായി പ്രസിദ്ധീകരിച്ച 'ബ്രേക്ക്ഔട്ട് നേഷൻസ്' എന്ന പുസ്തകത്തിന് ഇന്ത്യയിൽ റിക്കാർഡ് വിൽപ്പന നടന്നിരുന്നു . ഇക്കണോമിക്സ് ടൈംസ്, ന്യുസ് വീക്ക് ഇന്റർനാഷണൽ , വാൾസ്ട്രീറ്റ് ജേർണൽ തുടങ്ങിയ പ്രമുഖ പ്രസിദ്ധീകരണങ്ങളിൽ ആനുകാലിക സാമ്പത്തിക വിഷയങ്ങളെക്കുറിച്ച് അനവധി ലേഖനങ്ങൾ ശർമ്മ എഴുതിയിരുന്നു .
