ന്യൂയോർക്ക്: സ്റ്റേറ്റ് യൂണിവേഴ്സിറ്റി ഓഫ് ന്യൂയോർക്ക്(SUNY) പോട്ട്സ്ഡാം വിദ്യാർത്ഥിനി ഫെബ്രുവരി 18 വെള്ളിയാഴ്ച വൈകീട്ട് ആറു മണിക്ക് വെടിയേറ്റു മരിച്ചു.ക്യാമ്പസിൽ നിന്നും നൂറുമീറ്റർ അകലെ വച്ചാണ് എലിസബത്ത് ഹവലിന്(21) വെടിയേറ്റത്.
മ്യൂസിക്ക് എഡുക്കേഷൻ മെയ്‌ജറിൽ 2022 മെയ് മാസം ഗ്രാജുവേറ്റ് ചെയ്യേണ്ട വിദ്യാർത്ഥിനിയായിരുന്നു എലിസബത്ത്. കേളേജ് പാർക്ക് റോഡിനു സമീപം വെടിയേറ്റു കിടന്നിരുന്ന എലിസബത്തിനെ പോട്ട്സ്ഡാം ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല. വെടിവെപ്പിനുള്ള കാരണം കണ്ടെത്താനായില്ല. ഈ സംഭവത്തിൽ പ്രതിയെന്ന് സംശയിക്കുന്ന മൈക്കിൾ ജെ സ്നൊയെ (31) ന്യൂയോർക്ക് പൊലീസ് അറസ്റ്റു ചെയ്തു. ശനിയാഴ്ച വൈകീട്ട് അറസ്റ്റു ചെയ്ത പ്രതിയെ സെന്റ് ലോറൻസ് കൗണ്ടി ജയിലിലടച്ചു. ജാമ്യം അനുവദിച്ചിട്ടില്ല. ഇയാൾക്കെതിരെ സെക്കന്റ് ഡിഗ്രി മർഡറിന് കേസ്സെടുത്തിട്ടുണ്ട്.
മൈക്കിളിന് യൂണിവേഴ്സിറ്റിയുമായി ഒരു ബന്ധവുമില്ലെന്നും, ഇയാൾ ഒരു വിദ്യാർത്ഥിയോ, ജീവനക്കാരനോ ആയിരുന്നില്ലെങ്കിലും, യൂണിവേഴ്സിറ്റി അധികൃതർ അറിയിച്ചു.എലിസബത്തിന്റെ മരണം അവിശ്വസനീയമാണെന്നും, എല്ലാ വിദ്യാർത്ഥികൾക്കും പ്രിയപ്പെട്ടവളായിരുന്നുവെന്നും കോളേജ് സഹപാഠികൾ പറഞ്ഞു.
യൂണിവേഴ്സിറ്റി ക്രേയ്ൽ സ്‌ക്കൂൾ ഓഫ് മ്യൂസിക്ക് അദ്ധ്യാപകരും എലിസബത്തിന്റെ അകാലവിയോഗത്തിൽ അനുശോചിച്ചു.
