ദോഹ : ഖത്തറിലെ മലയാളി സംരംഭകരുടെ കൂട്ടായ്മയായ കേരള ബിസിനസ് ഫോറം കോവിഡാനന്തര കാലത്ത് ബിസിനസ്സിന്റെ പുതിയ ചക്രവാളങ്ങൾ തേടുന്ന മലയാളി സംരംഭകർക്ക് ഉപകാരപ്രദമാകുന്ന രീതിയിൽ ' എക്സ്പ്ലോർ അൺ എക്സ്പ്ലോർഡ് ' എന്ന ആശയവുമായി ബിസിനസ് മീറ്റ് സംഘടിപ്പിക്കുന്നു. മാർച്ച് രണ്ടിന് വൈകുന്നേരം 6 മണി മുതൽ 10 മണി വരെ വെസ്റ്റിൻ ഹോട്ടലിൽ വച്ചാണ് മീറ്റ് നടക്കുന്നത്.
മീറ്റിൽ ഇന്ത്യൻ അംബാസിഡർ ഡോ. ദീപക് മിത്തൽ മുഖ്യാതിഥിയായി പങ്കെടുക്കും. കെനിയ, റുവാണ്ട, ടാൻസാനിയ മുതലായ ആഫ്രിക്കൻ രാജ്യങ്ങളിൽ നിന്ന് ഖത്തറിലേക്കുള്ള അംബാസിഡർമാരും അതാത് രാജ്യങ്ങളിൽ നിന്നുള്ള ഖത്തറിലെ വ്യാവസായിക പ്രതിനിധികളും ചടങ്ങിൽ സംബന്ധിക്കും. ചർച്ചകളിൽ മോഡറേറ്ററായി പങ്കെടുക്കുന്നത് സി.എ ഗോപാൽ ബാലസുബ്രമണ്യനാണ്. ചടങ്ങിൽ 'പ്രവാസി ഭാരതീയ സമ്മാൻ' പുരസ്‌കാര ജേതാവ് ഡോ. മോഹൻ തോമസിനെ ആദരിക്കും.
രജിസ്ട്രേഷനായി https://docs.google.com/forms/d/e/1FAIpQLSeDzdyfRRjAq4JoiWDsmG63VSkfc4mTP-gYrrJpJ21-_gi1Eg/viewform എന്ന ലിങ്കിൽ ക്ലിക്ക് ചെയ്യുക. കൂടുതൽ വിവരങ്ങൾക്കായി 55806699 / 33576448 എന്ന നമ്പറിൽ ബന്ധപെടാവുന്നതാണ്.
