മാർച്ച് 1 മുതൽ നിരക്കുകൾ വർധിപ്പിക്കാനുള്ള കംഫോർട്ട്ഡെൽഗ്രോയുടെ തീരുമാനത്തിന് പിന്നാലെ അടുത്ത മാസം മുതൽ സിംഗപ്പൂരിലെ മറ്റെല്ലാ ടാക്സി ഓപ്പറേറ്റർമാരും നിരക്ക് വർദ്ധിപ്പിക്കുമെന്ന് ഉറപ്പായി.ട്രാൻസ്-ക്യാബ്, പ്രൈം ടാക്സി, പ്രീമിയർ ടാക്സി, സ്ട്രൈഡ്സ് ടാക്സി, കൂടാതെ യെല്ലോ ടോപ്പ് ടാക്‌സികൾ എന്നിവയും ഡ്രൈവർമാരുടെ ഉടമസ്ഥതയിലുള്ളതും സ്വതന്ത്രമായി പ്രവർത്തിപ്പിക്കപ്പെടുന്നതുമായ ടാക്‌സികൾ എല്ലാം തന്നെ നിരക്ക് വർദ്ധിപ്പിക്കും.
കംഫർട്ട്, സിറ്റിക്യാബ് ബ്രാൻഡുകൾക്ക് കീഴിൽ സിംഗപ്പൂരിലെ ടാക്സി ജനസംഖ്യയുടെ 60 ശതമാനവും പ്രവർത്തിപ്പിക്കുന്ന ComfortDelGro ഈ മാസം ആദ്യം നിരക്ക് വർദ്ധനവ് പ്രഖ്യാപിച്ചിരുന്നു.കംഫർട്ട് ഡെൽഗ്രോയ്ക്ക് ശേഷം സിംഗപ്പൂരിലെ ഏറ്റവും വലിയ രണ്ടാമത്തെ ടാക്സി ഓപ്പറേറ്ററായ Trans-Cab-ന്, അതിന്റെ ഏകദേശം 2,400 ക്യാബുകളാണുള്ളത് Renault Latitude, Toyota Prius ക്യാബുകളിലെ ഫ്‌ളാഗ്ഡൗൺ നിരക്കുകൾ 3.90 ഡോളറിൽ നിന്ന് 4.10ലേക്ക് ഉയരും.
അതേപോലെ മീറ്റർ ചാർജുകൾ രണ്ട് സെന്റ് വർദ്ധിച്ച് 0.24 ഡോളറായി ഉയരുമെന്ന് കമ്പനി അറിയിച്ചു.ട്രാൻസ്-ക്യാബിന്റെ ലിമോസിൻ ടാക്‌സികളുടെ ഫ്‌ളാഗ്ഡൗൺ നിരക്കിൽ മാറ്റമൊന്നും ഉണ്ടാകില്ല, എന്നിരുന്നാലും അവയുടെ മീറ്റർ ചാർജുകൾ രണ്ട് സെന്റ് വർധിച്ച് 0.35 ഡോളർ ആയി ഉയരും.ഈ മാറ്റങ്ങൾ മാർച്ച് 8 മുതൽ പ്രാബല്യത്തിൽ വരും.
ട്രാൻസ്പോർട്ട് ഓപ്പറേറ്ററായ SMRT-യുടെ അനുബന്ധ സ്ഥാപനമായ സ്ട്രൈഡ്സ് ടാക്സി, മാർച്ച് 11 മുതൽ തങ്ങളുടെ എല്ലാ ക്യാബുകളുടെയും നിരക്ക് 0.20 മുതൽ 4.10 ഡോളർ വരെ വർദ്ധിപ്പിക്കുമെന്ന് അറിയിച്ചു.ടൊയോട്ട പ്രിയൂസിനും ഇലക്ട്രിക് എംജി 5 കാബുകൾക്കുമുള്ള മീറ്റർ ചാർജുകൾ രണ്ട് സെന്റ് വർധിച്ച് 0.24 സിംഗപ്പൂർ ഡോളറായും ലണ്ടൻ ടാക്സികൾക്ക് മൂന്ന് സെന്റ് മുതൽ 0.33 സിംഗപ്പൂർ ഡോളറായും ഉയരും.
