ഇ-സ്‌കൂട്ടറുകളും മറ്റ് വ്യക്തിഗത മൊബിലിറ്റി വാഹനങ്ങളും സ്‌പെയിനിൽ, പ്രത്യേകിച്ച് വലിയ നഗരങ്ങളിൽ കൂടുതൽ സാധാരണമായി ക്കൊണ്ടിരിക്കുകയാണ്.സ്പെയിനിന്റെ വികസന മന്ത്രാലയത്തിന്റെ ഏറ്റവും പുതിയ പഠനമനുസരിച്ച്, സ്പെയിനിലെ 6.7 ശതമാനം വീടുകളിലും പേഴ്‌സണൽ മൊബിലിറ്റി വെഹിക്കിൾ ഉണ്ട്. അതായത് അരലക്ഷത്തിലധികം വി എംപികൾ രാജ്യത്തുണ്ട്. ഇവയുടെ ഉപയോഗം കൂടിയതോടെ ധാരാളം പ്രശ്‌നങ്ങൾ ഉണ്ടാകന്നെേതാ നിയമങ്ങളും കർശനമാക്കിയിട്ടുണ്ട്.
ഒരു ഇലക്ട്രിക് സ്‌കൂട്ടർ അല്ലെങ്കിൽ പേഴ്‌സണൽ മൊബിലിറ്റി വെഹിക്കിൾ (VMP) എന്നത് സ്പെയിനിന്റെ പൊതു വാഹന ചട്ടങ്ങൾ പ്രകാരം നിർവചിച്ചിരിക്കുന്നതാണ്. ഒന്നോ അതിലധികമോ ചക്രങ്ങളുള്ള, ഒരൊറ്റ സീറ്റ് കൊണ്ട് സജ്ജീകരിച്ച്, 25 കി.മീ വരെ വേഗത നൽകുന്ന ഇലക്ട്രിക് മോട്ടോറുകളാൽ മാത്രം ചലിപ്പിക്കുന്ന വാഹനമാണ് ഇവ.ഹോവർബോർഡുകൾ, ഇലക്ട്രിക് യൂണിസൈക്കിളുകൾ, സെഗ്വേകൾ എന്നിവയും VMP-കളിൽ ഉൾപ്പെടുന്നു.
വി എംപി ഉപയോഗിക്കാർ കൂടിയതിനൊപ്പം അപകടങ്ങളും രാജ്യത്ത് കൂടി. നടപ്പാതകൾ കൈക്കലാക്കുന്നതും കാൽനടയാത്രയുള്ള സ്ഥലങ്ങളിലൂടെ വളരെ വേഗത്തിൽ വാഹനമോടിക്കുന്നതും ട്രാഫിക്ക് കേൾക്കാൻ കഴിയാത്തതും, ഹെൽമെറ്റ് ധരിക്കാത്തതും,ഹെഡ്ഫോണുകൾ ധരിച്ച് ഇവ ഓടിക്കുന്നതുമൊക്കെ അപകടങ്ങൾക്ക് കാരണമാകുന്നുണ്ട്.ഏറ്റവും പുതിയ ഡാറ്റ അനുസരിച്ച്, 2020-ൽ വി എംപിയുടെ എട്ട് ഉപയോക്താക്കൾ മരിക്കുകയും 97 പേർ ആശുപത്രിയിൽ പ്രവേശിപ്പിക്കപ്പെടുകയും 1,097 പേർക്ക് വിവിധ പരിക്കുകൾ ഏൽക്കുകയും ചെയ്തിട്ടുണ്ട്. ഇതോടെ പുതിയ നിയമം കൊണ്ടുവന്നിരിക്കുകയാണ്.
ഒരു വി എംപി ഓടിക്കാൻ നിങ്ങൾക്ക് ഇപ്പോഴും ഡ്രൈവിങ് ലൈസൻസ് ആവശ്യമില്ല,എന്നാൽ വാഹനത്തിന് സർക്കുലേഷൻ സർട്ടിഫിക്കറ്റ് ഉണ്ടെന്ന് ഉറപ്പാക്കേണ്ടതുണ്ട് എന്നതാണ് ഏറ്റവും വലിയ മാറ്റം. ഈ സർട്ടിഫിക്കറ്റ് നിർമ്മാതാക്കളുടെയും ബ്രാൻഡുകളുടെയും ഉത്തരവാദിത്തമായിരിക്കും. അതിനാൽ നിങ്ങൾ വാങ്ങാൻ തീരുമാനിക്കുന്ന ഏതൊരു വി എംപിക്കും ഇവ ഉണ്ടോയെന്ന് പരിശോധിക്കേണ്ടതുണ്ട്.2024 ജനുവരി മുതൽ, വിൽക്കുന്ന എല്ലാ VMP-കൾക്കും ഈ സർട്ടിഫിക്കറ്റ് ഉണ്ടായിരിക്കുകയും എല്ലാ ആവശ്യകതകളും പാലിക്കുകയും വേണം.
ഓരോ വാഹനവും പാലിക്കേണ്ട മിനിമം സാങ്കേതിക മാനദണ്ഡങ്ങളും DGT വിശദീകരിച്ചിട്ടുണ്ട്. ഇതിൽ പരമാവധി ഭാരം, നീളം, ഉയരം എന്നിവയുടെ ആവശ്യകതകളും ബ്രേക്കിങ് സിസ്റ്റവും ഉൾപ്പെടുന്നു.
ഡിജിടിയുടെ നിലവിലുള്ള നിയമങ്ങൾ ഇവയാണ്:മറ്റ് റോഡ് ഉപയോക്താക്കൾക്ക് അപകടമുണ്ടാക്കുന്നത് ഒഴിവാക്കിക്കൊണ്ട് നിങ്ങൾ ശ്രദ്ധാപൂർവ്വം വാഹനമോടിക്കണം
നിങ്ങൾ നടപ്പാതകളിൽ വാഹനമോടിക്കാൻ പാടില്ല: ഇത് നിരോധിച്ചിരിക്കുന്നു
അടയാളങ്ങളും കാൽനട ക്രോസിംഗുകളും മാനിക്കണം
ഹെഡ്ഫോണുകൾ ഉപയോഗിച്ച് സവാരി ചെയ്യരുത്: ഇത് നിരോധിച്ചിരിക്കുന്നു.
ഒരു സമയം സ്‌കൂട്ടറിൽ ഒരാൾക്ക് മാത്രമേ യാത്ര ചെയ്യാൻ അനുവാദമുള്ളൂ
ഹെൽമെറ്റ് ധരിക്കണം
മുനിസിപ്പാലിറ്റിയുടെ നിർദ്ദേശപ്രകാരം അംഗീകൃത സ്ഥലങ്ങളിൽ മാത്രമേ നിങ്ങൾക്ക് പാർക്ക് ചെയ്യാൻ അനുവാദമുള്ളൂ
VMP ഓടിക്കാനുള്ള ഏറ്റവും കുറഞ്ഞ പ്രായം 16 ആണ്
ഇന്റർബൻ റോഡുകൾ, ഹൈവേകൾ, ഹൈവേ ക്രോസിംഗുകൾ, നഗര തുരങ്കങ്ങൾ എന്നിവയിൽ വി എംപികൾ അനുവദനീയമല്
