റിയാദ്: സൗദി അറേബ്യയിൽ 24 മണിക്കൂറിനിടെ 653 പേർക്ക് കൂടി കോവിഡ് സ്ഥിരീകരിച്ചു. നിലവിലെ രോഗികളിൽ 1,081 പേർ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. രോഗം ബാധിച്ച രണ്ടുപേർ കൂടി മരിച്ചു.

രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 7,45,027 ആയി. ആകെ രോഗമുക്തരുടെ എണ്ണം 7,23,549 ആയി ഉയർന്നു. ആകെ മരണസംഖ്യ 8,998 ആയി. രോഗബാധിതരിൽ 12,480 പേരാണ് ചികിത്സയിൽ കഴിയുന്നത്. ഇതിൽ 601 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.

രാജ്യത്തെ കോവിഡ് മുക്തി നിരക്ക് 96.87 ശതമാനവും മരണനിരക്ക് 1.21 ശതമാനവുമായി. 24 മണിക്കൂറിനിടെ 62,940 ആർ.ടി-പി.സി.ആർ പരിശോധനകൾ നടത്തി. റിയാദ് 183, ജിദ്ദ 58, ദമ്മാം 37, മദീന 27, അബഹ 24, മക്ക 23, തായിഫ് 20, ഹുഫൂഫ് 20 എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 6,08,86,310 ഡോസ് വാക്സിൻ കുത്തിവെച്ചു. ഇതിൽ 2,59,51,353 ആദ്യ ഡോസും 2,41,86,369 രണ്ടാം ഡോസും 1,07,48,588 ബൂസ്റ്റർ ഡോസുമാണ്.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌