റിയാദ്: സൗദി അറേബ്യയിൽ പുതുതായി 563 പേർക്ക് കൂടി കോവിഡ് സ്ഥിരീകരിച്ചു. നിലവിലെ രോഗികളിൽ 839 പേർ സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. കോവിഡ് ബാധിച്ചുള്ള മരണസംഖ്യ 9,000 കടന്നു. കഴിഞ്ഞ 24 മണിക്കൂറിനിടയിൽ രാജ്യത്ത് മൂന്ന് മരണം കൂടി റിപ്പോർട്ട് ചെയ്തതോടെ ആകെ മരണസംഖ്യ 9,001 ആയി.

രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 7,45,590 ആയി. ആകെ രോഗമുക്തരുടെ എണ്ണം 7,24,388 ആയി ഉയർന്നു. രോഗബാധിതരിൽ 12,201 പേരാണ് ചികിത്സയിൽ കഴിയുന്നത്. ഇതിൽ 554 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.

രാജ്യത്തെ കോവിഡ് മുക്തി നിരക്ക് 96.87 ശതമാനവും മരണനിരക്ക് 1.21 ശതമാനവുമായി. 24 മണിക്കൂറിനിടെ 64,969 ആർ.ടി-പി.സി.ആർ പരിശോധനകൾ നടത്തി. റിയാദ് 158, ജിദ്ദ 56, ദമ്മാം 30, ഹുഫൂഫ് 22, അബഹ 20, മദീന 19, മക്ക 19, തായിഫ് 17 എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 6,09,76,393 ഡോസ് വാക്സിൻ കുത്തിവെച്ചു. ഇതിൽ 2,59,64,761 ആദ്യ ഡോസും 2,42,04,042 രണ്ടാം ഡോസും 1,08,07,590 ബൂസ്റ്റർ ഡോസുമാണ്.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌