ദോഹ: ഖത്തറിലെ സാമൂഹിക സേവന മേഖലയിൽ സജീവ സാന്നിധ്യമായ കൾച്ചറൽ ഫോറം വളണ്ടിയർ വിഭാഗമായ ടീം വെൽഫെയറിന്റെ 2022-23 വർഷത്തേക്കുള്ള ഭാരവാഹികളെ തിരഞ്ഞെടുത്തു.

കൾച്ചറൽ ഫോറം സംസ്ഥാന സെക്രട്ടറി സഞ്ജയ് ചെറിയാൻ(ആലപ്പുഴ) ആണ് ക്യാപ്റ്റൻ. വൈസ് ക്യാപ്റ്റന്മാരായി അബ്ദുൽ നിസ്താർ(എറണാകുളം) ,സകീന അബ്ദുല്ല(കോഴിക്കോട്) ,ഫഹദ് ഇ കെ(തൃശൂർ) എന്നിവരെയും തിരഞ്ഞെടുത്തു. കൾച്ചറൽ ഫോറം ഹാളിൽ നടന്ന ചടങ്ങിൽ ടീം വെൽഫെയർ പുതിയ ഭാരവാഹികൾ ചുമതലയേറ്റു.

പരിപാടിചടങ്ങിൽ സംസ്ഥാന ജനറൽ സെക്രട്ടറി മജീദലി ഉദ്ഘാടനം ചെയ്തു. കോവിഡ് കാലത്തുൾപ്പെടെ മികച്ച പ്രവർത്തനം കാഴ്ചവെക്കാൻ ടീം വെൽഫെയറിന് സാധിച്ചതായി അദ്ദേഹം പറഞ്ഞു. ജനറൽ സെക്രട്ടറി തസീൻ അമീൻ,സെക്രട്ടറിമാരായ സിദ്ദീഖ് വേങ്ങര,അഹമ്മദ് ഷാഫി എന്നിവരും സംബന്ധിച്ചു. ടീം വെൽഫെയറിനെ ഖത്തറിലെ മികച്ച വളണ്ടിയർ ഗ്രൂപ്പാക്കി വളർത്തുമെന്നും അതിനാവിശ്യമായ പരിശീലനങ്ങൾ നൽകുമെന്നും പുതുതായി ചുമതലയേറ്റ ക്യാപ്റ്റൻ സഞ്ജയ് ചെറിയാൻ പറഞ്ഞു.