ഏപ്രിൽ ഒന്നിന് ലീറ്ററിന് 13 ശതമാനം പ്രവിശ്യാ ഇന്ധന നികുതി പിരിവ് ചുമത്താനിരുന്നത് താൽക്കാലികമായി നിർത്തിവച്ചുകൊണ്ട് ആൽബെർട്ടാ സർക്കാർ ഉത്തരവിറക്കി. ആൽബെർട്ടൻസിന് അവരുടെ ബില്ലുകളിൽ കുറച്ച് ആശ്വാസം നൽകാനുള്ള ശ്രമത്തിന്റെ ഭാഗമായി ഇന്ധന നികുതി പിരിക്കുന്നത് നിർത്തുമെന്നും വൈദ്യുതി റിബേറ്റ് അവതരിപ്പിക്കുമെന്നുമാണ് പ്രീമിയർ ജേസൺ കെന്നി തിങ്കളാഴ്ച പ്രഖ്യാപിച്ചത്.
അതായത് ഡബ്ല്യുടിഐ ഓയിൽ ബാരലിന് 90 യുഎസ് ഡോളറിൽ കൂടുതലാകുമ്പോൾ നികുതി ഒഴിവാക്കും. വില ബാരലിന് 80 യുഎസ് ഡോളറിൽ താഴെയാണെങ്കിൽ, നികുതി 'പൂർണ്ണ ഫലത്തിൽ' ആയിരിക്കും.പ്രവിശ്യാ വാതക നികുതി ഒരു ലിറ്റർ പെട്രോളിനും ഡീസലിനും 13 സെന്റാണ്. ഇത് 90ന് മുകളിൽ ആകുമ്പോൾ ഈടാക്കേണ്ടെന്നാണ് തീരുമാനം.
ഡബ്ല്യുടിഐ 85 ഡോളറിനും 90 ഡോളറിനും ഇടയിലായിരിക്കുമ്പോൾ ലിറ്ററിന് 4.5 സെന്റും ഡബ്ല്യുടിഐ 80 ഡോളറിനും 85 ഡോളറിനും ഇടയിലായിരിക്കുമ്പോൾ ലിറ്ററിന് ഒമ്പത് സെന്റും നികുതി ഈടാക്കും.
ഇതിനൊപ്പം ഉയർന്ന പവർ ബില്ലിൽ ആൽബെർട്ടൻസിനെ സഹായിക്കാൻ പ്രവിശ്യ 150 ഡോളർ വൈദ്യുതി റിബേറ്റും അവതരിപ്പിക്കുന്നുണ്ട്.രണ്ട് ദശലക്ഷം ആൽബർട്ട കുടുംബങ്ങൾക്കും ഫാമുകൾക്കും ചെറുകിട ബിസിനസുകൾക്കും റിബേറ്റുകൾ ലഭിക്കും.250 മെഗാവാട്ടിൽ താഴെ വൈദ്യുതി ഉപയോഗിക്കുന്ന ആർക്കും ഇത് സ്വയമേവ ബാധകമാകുന്നതിനാൽ റിബേറ്റിന് അപേക്ഷിക്കേണ്ടതില്ല.
