കൊച്ചി: ഗാർഹിക മാലിന്യങ്ങൾ ഉറവിടത്തിൽ തന്നെ വേർതിരിക്കാനും പരിസ്ഥിതിയിൽ നിന്നും നിന്നും മാലിന്യം അകറ്റിനിർത്തുന്നുവെന്ന് ഉറപ്പാക്കാനും ഹിന്ദുസ്ഥാൻ യുണിലിവർ ലിമിറ്റഡ് ബിൻ ബോയ് എന്ന പേരിൽ പുതിയ ഒരു കാംപയിൻ ആരംഭിച്ചു.
'ബിൻ ബോയ്' കാംപയിൻ അതിന്റെ ബാലകഥാപാത്രമായ അപ്പുവിലൂടെ പൗരന്മാർക്കിടയിൽ പെരുമാറ്റ വ്യതിയാനം വരുത്താനും വീടുകളിലും ഹൗസിങ് സൊസൈറ്റികളിലും മാലിന്യം വേർതിരിക്കാൻ പ്രേരിപ്പിക്കാനും ലക്ഷ്യമിടുന്നു. മാലിന്യ നിർമ്മാർജ്ജനത്തിന്റെ ഗൗരവത്തിലേക്കും അടിയന്തര നടപടിയുടെ ആവശ്യകതയിലേക്കും കാംപയിൻ ശ്രദ്ധ ക്ഷണിക്കുന്നു.
ഞങ്ങളുടെ കാംപയിൻ മാലിന്യരഹിതവും ഹരിതവുമായ ഭാവി സൃഷ്ടിക്കാൻ പൗരന്മാരെ പ്രചോദിപ്പിക്കുകയും ഒന്നിപ്പിക്കുകയും ചെയ്യുമെന്ന് ഞങ്ങൾ വിശ്വസിക്കുന്നു-ഹിന്ദുസ്ഥാൻ യുണിലിവർ ലിമിറ്റഡ് ചെയർമാനും മാനേജിങ് ഡയറക്ടറുമായ സഞ്ജീവ് മേത്ത പറഞ്ഞു.
നൂറു ശതമാനം പ്ലാസ്റ്റിക് മാലിന്യ ശേഖരണം കൈവരിക്കാൻ എച്ച് യു എല്ലിനു കഴിഞ്ഞു. സഹാസ് സീറോ വേസ്റ്റ്, ഡാൽമിയ പോളിപ്രോ, റീസർക്കിൾ, റീസൈക്കൽ, ഗ്രീൻ വേംസ്, രാംകി, പേപ്പർമാൻ തുടങ്ങിയ ഞങ്ങളുടെ ശേഖരണ പങ്കാളികൾ വഴി വലിയ പട്ടണങ്ങൾ, ചെറിയ നഗരങ്ങൾ, ഗ്രാമപഞ്ചായത്തുകൾ എന്നിവയുൾപ്പെടെ 160 ലധികം സ്ഥലങ്ങളിൽ നിന്നായി 1.1 ലക്ഷം ടണ്ണിലധികം പ്ലാസ്റ്റിക് മാലിന്യങ്ങൾ സുരക്ഷിതമായി സംസ്‌കരിക്കാൻ കമ്പനിക്ക് സാധിച്ചു.
മാലിന്യ ശേഖരണം, വേർതിരിക്കൽ, പുനരുപയോഗം എന്നിവയുൾപ്പെടെയുള്ള മുംബൈയിലെ മാലിന്യ സംസ്‌കരണ പദ്ധതികൾക്കായി യുണൈറ്റഡ് നേഷൻസ് ഡെവലപ്‌മെന്റ് പ്രോഗ്രാമുമായി എച്ച്യുഎൽ സഹകരിച്ചു. യുഎൻഡിപിയുമായുള്ള എച്ച്യുഎൽ സഹകരണം മുംബൈയിലെ നാല് വാർഡുകളിലായി 85,000 ത്തിലധികം വീടുകളെ ഗുണപരമായി സ്വാധീനിച്ചിട്ടുണ്ട്.
