അടിമാലി: കാട്ടുപോത്തിനെ വേട്ടയാടിയ കേസിൽ രണ്ട് പ്രതികൾ പിടിയിൽ. നെല്ലിപ്പാറകുടിയിൽ രാമകൃഷ്ണൻ മകൻ വിഷ്ണു (19) ഒഴുവത്തടം വീട്ടിൽ കട്ടേലാനിക്കൽ ഭാസി (48)എന്നിവരാണ് അറസ്റ്റിൽ ആയത്. നെല്ലിപ്പാറ ഭാഗത്ത് നടത്തിയ തിരച്ചിലിൽ പ്രതി വിഷ്ണുവിന്റെ പക്കൽ നിന്നും 200 ഗ്രാം ഉണക്ക കഞ്ചാവും 8 ചുവടു പച്ച കഞ്ചാവ് ഉണങ്ങനായി വെട്ടിയ നിലയിലും കണ്ടെത്തി.

മുഖ്യപ്രതി രാമകൃഷ്ണന്റെ ഏല ത്തോട്ടത്തിൽ നിന്നും കാട്ടുപോത്തിന്റെ ജഡാവശിഷ്ടങ്ങൾ കുഴിച്ചിട്ട നിലയിലും കണ്ടെത്തി. നായാട്ടിൽ ഉൾപ്പെട്ട മുഴുവൻ പ്രതികൾക്കുമായി മുന്നാർ ഡിഎഫ്ഒ യുടെ നേതൃത്വത്തിൽ തിരച്ചിൽ ഊർജിതമാക്കി.

അടിമാലി റേഞ്ച് ഓഫീസർ കെ വി രതീഷിന്റെ നേതൃത്വത്തിലാണ് രണ്ടു പ്രതികളെയും പിടികൂടിയത്. ബി എഫ് ഒ മാരായ ആർ റോയി, പി കെ രാജൻ എൻ എ മനോജ് ഫോറസ്റ്റ് വാച്ചർ സജിനിമോൾ എന്നിവർ അന്വേഷണത്തിൽ പങ്കെടുത്തു.

 

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.