ആകാശത്ത് കൂടി പറന്നു പോയ കടൽകാക്കയെ പിടിച്ച് തൊലി പൊളിച്ച് ഭക്ഷിച്ച് കുരങ്ങ്; ഒരു നിമിഷം കിങ് കോങ് ആയി മാറിയ കുരങ്ങന്റെ രീതിയിൽ അമ്പരന്ന് മൃഗശാലയിൽ എത്തിയവരും: വീഡിയോ കാണാം

ആകാശത്ത് കൂടി പറന്നു പോയ കടൽകാക്കയെ പിടിച്ച് തൊലി പൊളിച്ച് ഭക്ഷിച്ച് കുരങ്ങൻ. ചെഷെയറിലെ ചെസ്റ്റർ മൃഗശാലയിലാണ് സംഭവം. 20 അടി ഉയരത്തിലുള്ള ഒരു കുറ്റിയിൽ കയറിയ കുരങ്ങ് ആകാശത്ത് കൂടി പറന്ന കടൽകാക്കയെ കൈ കൊണ്ട് പിടിച്ച് അടിച്ച് കൊന്ന ശേഷം തൊലി പൊളിച്ച് ഭക്ഷിക്കുക ആയിരുന്നു. ഫെബ്രുവരി 26നാണ് സംഭവം. കൊരങ്ങന്റെ സ്വഭാവ രീതി കണ്ട മൃഗശാലയിലുള്ളവർ അമ്പരക്കുകയും ചെയ്തു.

ആകാശത്ത് കൂടി പറന്നു പോയ കടൽകാക്കയിൽ ഒരെണ്ണത്തെ കൈകൊണ്ട് എത്തി പിടിക്കുകയും യാതൊരു ഭാവ വ്യത്യാസവുമില്ലാതെ തൊലിപൊളിച്ച് തിന്നുകയുമായിരുന്നു. മൃഗശാല കാണാനെത്തിയ ബെക്ക് ആഡംസൺ എന്ന 32കാരനാണ് ഇതിന്റെ വീഡിയോ ദൃശ്യങ്ങൾ പകർത്തിയത്. കടൽകാക്കയെ കൊന്ന് കൈകളിൽ ചോരയുമായി നിന്ന കൊരങ്ങനെ കണ്ട് പലരും ഭയപ്പെട്ടു.