പ്രതീക്ഷിച്ചതിലും വളരെ നേരത്തെ തന്നെ ന്യൂസിലാൻഡ് അതിർത്തികൾ വീണ്ടും തുറക്കുമെന്ന് ന്യൂസിലൻഡ് പ്രധാനമന്ത്രി ജസീന്ദ ആർഡെർൻ ബുധനാഴ്ച അറിയിച്ചു. ലോകമെമ്പാടുമുള്ള ന്യൂസിലൻഡുകാർക്കായി ഇതിനകം അതിർത്തി തുറന്ന രാജ്യം രണ്ടാം ഘട്ടവും ഉടനെ നടപ്പിലാക്കുമെന്നാണ് പ്രധാനമന്ത്രി അറിയിച്ചത്.
അടുത്ത മാസം 12 മുതൽ വാക്‌സിനേഷൻ സ്വീകരിച്ച ഓസ്ട്രേലിയക്കാർക്ക് രാജ്യത്തേക്ക് പ്രവേശനാനുമതി നല്കിയിട്ടുണ്ട്. അനുമതിയുണ്ട്.അമേരിക്കയും യുകെയും ഉൾപ്പെടെയുള്ള വിസ ഒഴിവാക്കൽ ക്രമീകരണങ്ങളുള്ള രാജ്യങ്ങളിൽ നിന്നുള്ള യാത്രക്കാർക്ക് മെയ് 1 മുതൽ പ്രവേശിക്കാമെന്നും അറിയിച്ചു. പുതിയ നീക്കം വർഷത്തിന്റെ ശേഷിക്കുന്ന കാലയളവിൽ സാമ്പത്തിക വീണ്ടെടുക്കലിന് കാരണമാകുമെന്ന് ആർഡൻ പറയുന്നു.
നിലവിലെ പദ്ധതി പ്രകാരം ഒക്ടോബർ വരെ അതിർത്തി പൂർണ്ണമായി വീണ്ടും തുറക്കുമെന്ന് പ്രതീക്ഷിച്ചിരുന്നില്ല, എന്നാൽ ഇത് മുന്നോട്ട് കൊണ്ടുപോകാൻ കഴിയുമെന്ന് ആർഡെർൻ പറഞ്ഞു.എല്ലാ സന്ദർശകരും വാക്‌സിനേഷൻ സ്വീകരിക്കുകയും പുറപ്പെടുന്നതിന് മുമ്പ് ഒരു നെഗറ്റീവ് കോവിഡ് -19 ടെസ്റ്റ് നടത്തുകയും വേണം, കൂടാതെ എത്തിച്ചേരുമ്പോൾ പരിശോധിക്കുകയും ചെയ്യണം.
