ജർമ്മനി കോവിഡ് നിയമങ്ങൾ ലഘൂകരിക്കാനാെരുങ്ങുകയാണ്്.ഈ മാസം 20 ഓടെ മിക്ക നിയന്ത്രണങ്ങളും പൂർണമായും നീക്കും. എന്നിരുന്നാലും, നഗര സംസ്ഥാനമായ ബെർലിൻ ഏപ്രിൽ 1 ഓടെ മാത്രമെ നിയന്ത്രണങ്ങൾ നീക്കു.ചൊവ്വാഴ്ച നടന്ന സെനറ്റ് യോഗത്തിന് ശേഷം, ബെർലിൻ മേയർ ഫ്രാൻസിസ്‌ക ഗിഫി (സോഷ്യൽ ഡെമോക്രാറ്റുകൾ) ഏപ്രിൽ 1 മുതൽ കൊവിഡുമായി ബന്ധപ്പെട്ട മിക്കവാറും എല്ലാ നിയന്ത്രണങ്ങളും ഒഴിവാക്കുമെന്ന് പ്രഖ്യാപിച്ചു. ഈ തീയതിക്ക് ശേഷം, ഫെഡറൽ ഗവൺമെന്റ് നിശ്ചയിച്ചിട്ടുള്ള അടിസ്ഥാന സംരക്ഷണ നടപടികൾ മാത്രമേ നിലനിൽക്കൂ.
എന്നാൽ 20 മുതൽ നിയന്ത്രണങ്ങൾ നീക്കുമെങ്കിലും നിലവിലുള്ള നിയന്ത്രണങ്ങൾ നിലനിർത്താൻ നിരവധി ഫെഡറൽ സംസ്ഥാനങ്ങൾ പദ്ധതിയിടുന്നതായി സൂചനയുണ്ട്. ജർമ്മനിയിൽ കോവിഡ് -19 അണുബാധകൾ റെക്കോർഡ് ഉയരത്തിൽ എത്തിയ സാഹചര്യത്തിലാണ് സംസ്ഥാനങ്ങൾ രണ്ടാഴ്‌ച്ച കൂടി നിയന്ത്രണങ്ങൾ നിലനിർത്തുക.
ബെർലിനിലെ റെസ്റ്റോറന്റുകളിലും കഫേകളിലും കോവിഡ് പാസ് പ്രവേശന നിയമങ്ങൾ (ജർമ്മനിയിൽ 2G അല്ലെങ്കിൽ 3G എന്നറിയപ്പെടുന്നു) അടുത്ത മാസം മുതൽ ഒഴിവാക്കും, അതായത് ആളുകൾ ഇനി പരിശോധന, വാക്‌സിനേഷൻ അല്ലെങ്കിൽ വീണ്ടെടുക്കൽ എന്നിവയുടെ തെളിവ് കാണിക്കേണ്ടതില്ല.
കൂടാതെ കടകളിലോ മറ്റ് വേദികളിലോ മുഖംമൂടികൾ ധരിക്കേണ്ടതില്ല.
എന്നിരുന്നാലും, ചില മേഖലകളിൽ മാസ്‌ക് നിർബന്ധം നിലനിൽക്കും: പൊതുഗതാഗതത്തിലും നഴ്‌സിങ് ഹോമുകളിലും ആശുപത്രികളിലും ആളുകൾക്ക് മെഡിക്കൽ അല്ലെങ്കിൽ FFP2 മാസ്‌ക് ധരിക്കേണ്ടിവരും.
ജർമ്മനിയിലെ ആളുകൾക്ക് സൗജന്യമായ കൊറോണ വൈറസ് റാപ്പിഡ് ടെസ്റ്റുകളും ഏപ്രിൽ മുതൽ ലഭ്യമാകില്ല.മാർച്ച് പകുതി മുതൽ ഡേ-കെയർ സെന്ററുകളിലെ മിക്കവാറും പതിവ് പ്രവർത്തനത്തിലേക്ക് മടങ്ങാൻ സെനറ്റ് തീരുമാനിച്ചു, എന്നിരുന്നാലും ആഴ്ചയിൽ മൂന്ന് ദിവസം കുട്ടികളുടെ നിർബന്ധിത പരിശോധന തുടരും.
