സൗദി അറേബ്യയിൽ അപ്പാർട്ട്‌മെന്റിൽ സ്‌ഫോടനം

റിയാദ്: സൗദി അറേബ്യയിൽ അപ്പാർട്ട്‌മെന്റ് കെട്ടിടത്തിലുണ്ടായ തീപ്പിടുത്തത്തിൽ ഒരാൾക്ക് പരിക്കേറ്റു. റിയാദിലെ അൽ യാസ്മിൻ പ്രദേശത്തെ ഒരു കെട്ടിടത്തിലായിരുന്നു സംഭവം.

വാതക ചോർച്ചയാണ് അപകടത്തിന് കാരണമായതെന്നാണ് റിപ്പോർട്ടുകൾ. ഉഗ്ര ശബ്ദത്തോടെയായിരുന്നു സ്‌ഫോടനമുണ്ടായതെന്ന് പരിസരവാസികൾ പറഞ്ഞു.

കെട്ടിടത്തിന്റെ അടുക്കള ഭാഗവും സമീപത്ത് നിർത്തിയിട്ടിരുന്ന നിരവധി കാറുകളും തകർന്നു. ഒരാൾക്കാണ് പരിക്കേറ്റത്. ഇയാളെ ആശുപത്രിയിൽ പ്രവേശിപ്പിച്ച് ചികിത്സ ലഭ്യമാക്കിയതായി റിയാദ് സിവിൽ ഡിഫൻസ് ഡയറക്ടറേറ്റ് അറിയിച്ചു.