ചെക്‌പോസ്റ്റിൽ നിന്ന് പിടിച്ചെടുത്ത ഒൻപത് ലക്ഷം രൂപ നടപടിക്രമം പാലിക്കാതെ കൈവശം വെച്ചു; എക്‌സൈസ് ഉദ്യോഗസ്ഥരെ സസ്‌പെന്റ് ചെയ്തു

മുത്തങ്ങ: ചെക്‌പോസ്റ്റിൽ നിന്ന് പിടിച്ചെടുത്ത ഒൻപത് ലക്ഷം രൂപ നടപടിക്രമം പാലിക്കാതെ കൈവശം വെച്ചത് കണ്ടെത്തിയതിനെ തുടർന്ന് വയനാട്ടിലെ മൂന്ന് എക്‌സൈസ് ഉദ്യോഗസ്ഥരെ സർവീസിൽ നിന്ന് സസ്‌പെന്റ് ചെയ്തു.

മുത്തങ്ങ എക്‌സൈസ് ചെക്‌പോസ്റ്റിലെ പരിശോധനക്കിടെ യാത്രക്കാരിൽ നിന്ന് കണ്ടെത്തിയ ഒൻപത് ലക്ഷം രൂപ നടപടിക്രമം പാലിക്കാതെ കൈവശം വെച്ച സംഭവത്തിലാണിത്. എക്‌സൈസ് പ്രിവന്റീവ് ഓഫീസർ പിഎ പ്രകാശ്, സിവിൽ എക്‌സൈസ് ഓഫീസർമാരായ എംകെ മൻസൂർ അലി, എംസി സനൂപ് എന്നിവർക്കെതിരെയാണ് നടപടി.