ദുരിതം വിതച്ച് വേനൽ മഴ; എറണാകുളം ജില്ലയിലെ മലയോര മേഖലയിൽ വ്യാപക നാശനഷ്ടം

കോതമംഗലം: എറണാകുളം ജില്ലയിലെ മലയോര മേഖലയായ മാമലക്കണ്ടത്ത് വെള്ളിയാഴ്‌ച്ച രാത്രിയിൽ വേനൽമഴയും, കാറ്റും കനത്തതോടെ നിരവധി നാശ നഷ്ടങ്ങൾ റിപ്പോർട്ട് ചെയ്തു. മാമലക്കണ്ടത്ത് താലിപ്പാറയിൽ വടക്കേതിൽ വീട്ടിൽ ബിന്ദു രാജേഷിന്റെ വീടിന്റെ മേൽക്കൂര പൂർണമായും നശിക്കുകയും നിരവധി വീടുകൾക്ക് കേടുപാടുകളും, പാവയ്ക്കൽ വീട്ടിൽ ജിബിൻ സെബാസ്റ്റ്യന്റെ ഒന്നര ഏക്കർ പാടത്ത് കൃഷി ചെയ്തിരുന്ന പാവൽത്തോട്ടം വിളവെത്തി നിൽക്കെ നിലംപൊത്തിയതും മലയോര ജനതയെ ദുരിതത്തിലാഴ്‌ത്തി കൂടാതെ നിരവധി വ്യാപക കൃഷി നാശവും സംഭവിച്ചു.