സി. കെ. ചന്ദ്രപ്പൻ സ്മരണാർത്ഥം യുവകലാസാഹിതി ഖത്തറും നോവ ഹെൽത്ത് കെയറും സംയുക്തമായി നടത്തിയ സൗജന്യ മെഡിക്കൽ ക്യാമ്പ് ജനകീയ പങ്കാളിത്താൽ ശ്രദ്ധേയമായി. ക്യാമ്പിന്റെ ഔപചാരികമായ ഉത്ഘാടനം ഐ.സി.സി. പ്രസിഡന്റ് പി എൻ ബാബുരാജൻ നിർവഹിച്ചു, പ്രവാസികൾക്ക് കൈത്താങ്ങായി നിലകൊള്ളുന്ന യുവകലാസാഹിതി ഖത്തറിന്റെ ഇത്തരം ഉദ്യമങ്ങൾ മാതൃകാപരവും ശ്ലാഘിനിയവുമാണെന്നു അദ്ദേഹം അഭിപ്രായപ്പെട്ടു. യുവകലാസാഹിതി ഖത്തർ പ്രസിഡന്റ് അജിത് പിള്ളയുടെ അധ്യക്ഷതയിൽ കൂടിയ യോഗത്തിൽ സെക്രട്ടറി രാഗേഷ് കുമാർ നന്ദിയും പറഞ്ഞു.
നോവ ഹെൽത്ത് കെയർ മാർക്കറ്റിങ് മാനേജർ റെയ്മോൻ ബാസ്റ്റിൻ, ഡോക്ടർ ബോണി ടോം എന്നിവരടങ്ങിയ മെഡിക്കൽ സംഘം ക്യാമ്പിന് നേതൃത്വം നൽകി. നോർക്ക രജിസ്‌ട്രേഷനും പ്രവാസി ക്ഷേമനിധി പെൻഷൻ രജിസ്‌ട്രേഷനും യുവകലാസാഹിതി വനിതാ വേദി സെക്രട്ടറി ഷാന ലാലു നേത്രത്വം നൽകി. മെഡിക്കൽ ക്യാമ്പ് കോർഡിനേറ്റർസ് കെ ഇ ലാലു, ജീമോൻ ജേക്കബ് , രജി പുത്തൂറാൻ, മോഹൻ ജോൺ, ഇബ്രൂ ഇബ്രാഹിം, രഘുനാഥ് എന്നിവരടങ്ങിയ ഭാരവാഹികൾ ക്യാമ്പിനെ നിയന്ത്രിച്ചു.
