ഹൂസ്റ്റൺ: പെന്തക്കോസ്ത് ഫെല്ലോഷിപ്പിന്റെ (എച്ച്.പി.എഫ്) വാർഷിക ജനറൽബോഡി മീറ്റിങ് മാർച്ച് ആറാംതീയതി ലിവിഗ് വാട്ടർ ചർച്ചിൽ കൂടി 2022-ലേക്കുള്ള ഭാരവാഹികളെ തെരഞ്ഞെടുത്തു.
പ്രസിഡന്റായി തെരഞ്ഞെടുക്കപ്പെട്ട പാസ്റ്റർ ജേക്കബ് മാത്യു ഇമ്മാനുവേൽ എ.ജി ചർച്ചിന്റെ സീനിയർ പാസ്റ്ററും, എ.ജി ഹൂസ്റ്റൺ ഫെല്ലോഷിപ്പിന്റെ പ്രസിഡന്റുംകൂടിയാണ്.
വൈസ് പ്രസിഡന്റ് പാസ്റ്റർ സണ്ണി താഴാപ്പളം വിവിധ ബൈബിൾ കോളജുകളുടെ പ്രസിഡന്റും, ജീവകാരുണ്യ പ്രവർത്തകനുമാണ്.
സെക്രട്ടറി ജോസഫ് കുര്യൻ എഴുത്തുകാരനും സംഘാടനകനുമാണ്. ട്രഷറർ ഏലിയാസൻ ചാക്കോ ഇന്ത്യയിൽ വിവിധ പ്രേഷിത പ്രവർത്തനങ്ങളിൽ ഏർപ്പെട്ടിരിക്കുന്നു.
സോംഗ് കോർഡിനേറ്ററായി പാസ്റ്റർ സീബിൻ അലക്സ്, മിഷൻ & ചാരിറ്റി കോർഡിനേറ്റർ ജേക്കബ് ജോൺ എന്നിവരെ തെരഞ്ഞെടുത്തു.
മീഡിയാ കോർഡിനേറ്ററായ ഫിന്നി രാജു ഹൂസ്റ്റൺ അറിയപ്പെടുന്ന മാധ്യമ പ്രവർത്തകനും, ഹാർവെസ്റ്റ് ടിവിയുടെ ചീഫ് എക്സിക്യൂട്ടീവ് ഓഫ് ഓപ്പറേഷനുമായി പ്രവർത്തിക്കുന്നു.
ഹൂസ്റ്റണിലും പ്രാന്തപ്രദേശങ്ങളിലുമുള്ള 16 സഭകളുടെ ഐക്യ കൂട്ടായ്മയാണ് ഹൂസ്റ്റൺ പെന്തക്കോസ്ത് ഫെല്ലോഷിപ്പ് (എച്ച്.പി.എഫ്).
