ഒമാനിൽ കോവിഡ് രോഗികളുടെ എണ്ണം നൂറിൽ താഴെ

മസ്‌കറ്റ്: ഒമാനിൽ കോവിഡ് മുക്തരുടെ എണ്ണം വർദ്ധിച്ചതിന് പുറമെ പുതിയ രോഗികളുടെ എണ്ണം നൂറിൽ താഴെയായി. രാജ്യത്ത് ഇന്ന് 99 പേർക്ക് കൂടി കോവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം പുറത്തുവിട്ട ഔദ്യോഗിക കണക്കുകൾ വ്യക്തമാക്കുന്ന. ചികിത്സയിലായിരുന്ന 142 പേർ രോഗമുക്തരായി. ഇതിനകം രാജ്യത്ത് 3,81,757 പേർക്ക് രോഗം ഭേദമായിട്ടുണ്ട്. 3,87,829 പേർക്കാണ് ഒമാനിൽ ആകെ കോവിഡ് ബാധിച്ചിട്ടുള്ളത്.

98.4 ശതമാനമാണ് രോഗമുക്തി നിരക്ക്. കോവിഡ് ബാധിച്ച് പുതിയതായി മരണങ്ങളൊന്നും റിപ്പോർട്ട് ചെയ്തിട്ടില്ല. ആകെ 4,250 പേർ കോവിഡ് മൂലം രാജ്യത്ത് ഇതുവരെ മരണപ്പെട്ടിട്ടുണ്ട്. കഴിഞ്ഞ 24 മണിക്കൂറിനിടെ 18 കോവിഡ് രോഗികളെ കൂടി ആശുപത്രികളിൽ പ്രവേശിപ്പിച്ചു. ആകെ 86 കോവിഡ് രോഗികളാണ് രാജ്യത്ത് ഇപ്പോൾ ആശുപത്രികളിൽ ചികിത്സയിലുള്ളത്. ഇവരിൽ 16 പേർ മാത്രമാണ് ഗുരുതരാവസ്ഥയിലുള്ളത്. ഇവർ തീവ്രപരിചരണ വിഭാഗത്തിൽ ചികിത്സയിലുമാണ്.