ഭീഷ്മപർവത്തിലെ പാട്ടിന് ചുവട് വെച്ച് അനന്തികയും റംസാനും; പ്രശംസിച്ച് സിനിമാ താരങ്ങൾ അടക്കമുള്ളവർ: വീഡിയോ വൈറൽ
മോഡലും നർത്തകിയുമായ അനന്തിക സനിൽകുമാറും സിനിമാ താരവും നർത്തകനുമായ റംസാൻ മുഹമ്മദും ചേർന്നൊരുക്കിയ റീൽ വിഡിയോ ഏറ്റെടുത്ത് സോഷ്യൽ മീഡിയ. മമ്മൂട്ടി ചിത്രം ഭീഷ്മപർവത്തിലെ 'ആകാശംപോലെ അകലെ' എന്ന പാട്ടിനൊപ്പം ഇരുവരും നടത്തിയ പ്രകടനമാണ് സോഷ്യൽ മീഡിയയുടെ കയ്യടി നേടുന്നത്.
അനന്തികയുടെയും റംസാന്റെയും നൃത്ത വിഡിയോ ചുരുങ്ങിയ സമയത്തിനകമാണു ശ്രദ്ധേയമായത്. നസ്രിയ, ശ്രിന്ദ, ജുവൽ മേരി തുടങ്ങി താരങ്ങൾ ഉൾപ്പെടെ നിരവധി പേർ വിഡിയോയെ പ്രശംസിച്ചു രംഗത്തെത്തി. ഇരുവരുടെയും അസാമാന്യ മെയ്വഴക്കമാണ് പ്രേക്ഷകരെ വിസ്മയിപ്പിച്ചത്.
നൃത്ത വിഡിയോകളിലൂടെ സമൂഹമാധ്യമ ലോകത്ത് ആരാധകരെ സൃഷ്ടിച്ച താരമാണ് അനന്തിക. റീൽ വിഡിയോകൾക്കൊപ്പം അനന്തികയുടെ ഫോട്ടോഷൂട്ട് ചിത്രങ്ങളും വൈറൽ ആകാറുണ്ട്. റിയാലിറ്റി ഷോയിലൂടെയാണ് റംസാൻ ശ്രദ്ധേയനായത്. ഭീഷ്മപർവത്തിലെ 'രതിപുഷ്പം' എന്ന പാട്ടിൽ ഷൈൻ ടോം ചാക്കോയ്‌ക്കൊപ്പം ചുവടുവച്ച് താരം കയ്യടി നേടി. മികച്ച പ്രേക്ഷകസ്വീകാര്യതയോടെ പാട്ട് ഇപ്പോഴും ട്രെൻഡിങ്ങിൽ ആണ്.
