ഓടുന്ന ബസിൽ പരസ്യമായി മദ്യപിച്ച് വിദ്യാർത്ഥിനികൾ; വീഡിയോ വൈറൽ; പിന്നാലെ അന്വേഷണം

ചെന്നൈ: സ്‌കൂൾ വിദ്യാർത്ഥികൾ ഓടുന്ന ബസിൽ പരസ്യമായി മദ്യപിക്കുന്ന വിഡിയോ വൈറലായതോടെ പൊലീസ് അന്വേഷണം. തമിഴ്‌നാട്ടിലെ ചെങ്കൽപ്പേട്ട് ജില്ലിയിൽ നിന്നാണ് ഈ വിഡിയോ. തമിഴ്‌നാട്ടിലെ ചെങ്കൽപ്പെട്ടിലെ സർക്കാർ സ്‌കൂളിൽ പഠിക്കുന്ന ആൺകുട്ടികളുടെയും പെൺകുട്ടികളുടെയും സംഘമാണ് ഇത്തരത്തിൽ ആഘോഷം നടത്തിയത്.

ചെങ്കൽപട്ടിൽ നിന്ന് തച്ചൂരിലേക്ക് സർക്കാർ ബസിൽ യാത്ര ചെയ്യുന്നതിനിടെയാണ് പ്ലസ്ടു വിദ്യാർത്ഥികൾ ബസിൽ നിന്നുെകാണ്ട് ബിയർ കുടിച്ചത്. ഒപ്പം യാത്ര ചെയ്യുന്ന കുട്ടികളിലൊരാളാണ് ദൃശ്യങ്ങൾ പകർത്തിയത്. മദ്യപിച്ച് ബസിൽ ബഹളം വയ്ക്കുന്ന ദൃശ്യങ്ങളും വൈറലായ വിഡിയോയിലുണ്ട്. ഒരുകുപ്പി ബിയർ പരസ്പരം കൈമാറി കുടിക്കുകയാണ് സംഘം. മറ്റ് യാത്രക്കാർ കുട്ടികളെ നോക്കുന്നതും വിഡിയോയിലുണ്ട്.

വിഡിയോ വൈറലായതോടെ വിദ്യാഭ്യാസ വകുപ്പും വിഷയത്തിൽ ഇടപ്പെട്ടിട്ടുണ്ട്. കുട്ടികളെ വിളിച്ചുവരുത്തി താക്കീത് ചെയ്തെന്നാണ് റിപ്പോർട്ടുകൾ. സംഭവത്തിൽ കർശനനടപടി സ്വീകരിക്കുമെന്ന് സ്‌കൂൾ അധികൃതർ അറിയിച്ചു