വിവാഹാഭ്യർത്ഥന നിരസിച്ചതിന് തൊഴിലിടത്തിലെത്തി യുവതിയെ അക്രമിച്ചു; യുവാവ് അറസ്റ്റിൽ

കൊല്ലം: വിവാഹാഭ്യർത്ഥന നിരസിച്ചതിന് തൊഴിലിടത്തിലെത്തി യുവതിയെ അക്രമിച്ചയാളെ പൊലീസ് പിടികൂടി. പൂതക്കുളം നല്ലേറ്റിൽ ചമ്പാൻചാൽ സുജിത് ഭവനിൽ സുബിൻ (28) ആണ് അറസ്റ്റിലായത്. യുവതി ജോലിചെയ്യുന്ന ടെക്‌സ്റ്റൈൽ ഷോപ്പിലെത്തി ദേഹോപദ്രവം ഏൽപ്പിക്കുകയായിരുന്നു.

സ്ത്രീത്വത്തെ അപമാനിച്ചതിനും ദേഹോപദ്രവം ഏൽപ്പിച്ചതിനുമാണ് പൊലീസ് കേസെടുത്തത്.എസ്‌ഐ.മാരായ എസ്.ഷിഹാസ്, എഎസ്ഐ. മധുസൂദനൻ, എസ്.സി.പി.ഒ. ബുഷ്റമോൾ, സി.പി.ഒ. ജാസ്മിൻ എന്നിവരാണ് പ്രതിയെ പിടികൂടിയത്. ഇയാളെ റിമാൻഡ് ചെയ്തു.