ഇലക്ട്രിക് സ്‌കൂട്ടറുകൾക്ക് തീ പിടിക്കുന്നത് തുടർക്കഥയാവുന്നു; ചെന്നൈയിൽ ഇലക്ട്രിക് സ്‌കൂട്ടറിന് തീ പിടിക്കുന്നതിന്റെ ദൃശ്യങ്ങൾ പുറത്ത്

ചെന്നൈ: രാജ്യത്ത് ഇലക്ട്രിക് സ്‌കൂട്ടറുകൾക്ക് തീ പിടിക്കുന്നത് തുടർക്കഥയാവുന്നു. പ്രമുഖ വാഹന ബ്രാൻഡുകളുടെ ഇലക്ട്രിക് സ്‌കൂട്ടറുകൾക്ക് തീപ്പിടിക്കുന്നത് വാർത്തയായിരുന്നു. ഇപ്പോഴിതാ ചെന്നൈയിൽ വീണ്ടും ഒരു ഇലക്ട്രിക് സ്‌കൂട്ടറിന് തീപ്പിടിക്കുന്നതിന്റെ ദൃശ്യങ്ങൾ വൈറലായി.

 

ഇ-പ്ലൂട്ടോ 7 ജി സ്‌കൂട്ടറിൽ നിന്ന് ശക്തമായി പുക ഉയരുന്നതിന്റെ ദൃശ്യങ്ങളാണ് സുമന്ത് ബാനർജി എന്നയാൾ തന്റെ ട്വിറ്ററിൽ പങ്കുവച്ചത്. കഴിഞ്ഞ നാലുദിവസത്തിനിടെ റിപ്പോർട്ട് ചെയ്യുന്ന സമാനമായ നാലാമത്തെ സംഭവമാണിത്.