മക്ക: ഐസിഎഫ് മക്കാ സെൻട്രൽ കമ്മിറ്റിയുടെ ഈ വർഷത്തെറമദാൻ ക്യാമ്പയിൻ ഉദ്ഘാടനം ചെയ്തു.വിശുദ്ധ റമദാൻ വിശുദ്ധ ഖുർആൻ എന്ന ശീർഷകത്തിലാണ് ക്യാമ്പയിൻ നടക്കുന്നത്.മക്കയിലെ അസീസിയയിൽ റമളാൻ മുന്നൊരുക്കം എന്ന പേരിൽ സെൻട്രൽ കമ്മിറ്റി പ്രസിഡന്റ് ഷാഫി ബാഖവിയുടെ അദ്യക്ഷതയിൽ നടന്ന ഉദ്ഘാടന സമ്മേളനം ഹനീഫ് അമാനി ഉദ്ഘാടനം ചെയ്തു.

പ്രമുഖ പണ്ഡിതൻ സി പി ഷാഫി സഖാഫിആവിലോറ മുഖ്യ പ്രഭാഷണം നടത്തി. ഷാഫി ബാഖവി ക്യാമ്പയിൽ പ്രവർത്തനങ്ങൾ വിശദീകരിച്ചു. ക്യാമ്പയിന്റെ ഭാഗമായി അനുസ്മരണം, ഇഫ്താർസംഗമങ്ങൾ , പ്രഭാഷണങ്ങൾ, സാന്ത്വനപ്രവർത്തനം, തുടങ്ങിയ യൂണിറ്റ്, സെക്ടർ, സെൻട്രൽ ഘടകങ്ങളിൽ സംഘടിപ്പിക്കും.ഐ സി എഫ് നേതാക്കളായ മുസ്തഫ കാളോത്ത്, ബഷീർ സഖാഫി മേപ്പയൂർ, ഹുസൈൻ ഹാജി, മുഹമ്മദ് അലി വലിയറ, റഷീദ് വേങ്ങര, നാസർ തച്ചൊമ്പയിൽ, സഹീർ കോട്ടക്കൽ,ജമാൽ മുക്കം, അബൂബക്കർ കണ്ണൂർ എന്നിവർ സംബന്ധിച്ചു. റഷീദ് അസ്ഹരി സ്വാഗതവും സൽമാൻ വെങ്ങളം നന്ദിയും പറഞ്ഞു.