ദോഹ: ഖത്തർ കെഎംസിസി സ്ഥാപക നേതാക്കളിൽ പ്രമുഖനും, മത രാഷ്ട്രീയ സാമൂഹിക- ജീവ കാരുണ്യ മേഖലകളിലെ നിറ സാന്നിദ്യവുമായിരുന്ന പിഎം മൊയ്തീൻ മൗലവി സ്മരണിക ' പി എം ഓർമകളുടെ സുഗന്ധം' മുസ്ലിം ലീഗ് സംസ്ഥാന സെക്രട്ടറി പി എം സാദിഖലി പ്രകാശനം ചെയ്തു.
പി എം മൊയ്തീൻ മൗലവിയുടെ ഓർമ്മകൾ അദ്ദേഹത്തിന്റെ സുഹൃത്തുക്കളിൽ നിന്നും നാട്ടുകാരിൽ നിന്നും കോർത്തിണക്കി ഖത്തർ കെഎംസിസി കുറ്റ്യാടി മണ്ഡലം കമ്മിറ്റിയാണ് സ്മരണിക പുറത്തിറക്കിയത്.
തുമാമയിലെ ഖത്തർ KMCC ഓഫീസിൽ നടന്ന പ്രകാശന പരിപാടി കെഎംസിസി സംസ്ഥാന പ്രസിഡന്റ് SAM ബഷീർ സാഹിബ് ഉദ്ഘാടനം ചെയ്തു. മണ്ഡലം പ്രസിഡന്റ് സിറാജ് മാതോത്ത് അധ്യക്ഷം വഹിച്ചു.
റിയാസ് KT ഖിറാഅത്ത് നടത്തിയ പരിപാടിയിൽ അബ്ദുസമദ് കടമേരി സ്മരണിക പരിചയപെടുത്തി.ഇന്ത്യ വർത്തമാനം ഭാവി എന്ന വിഷയത്തിൽ പി എം സാദിഖലി മുഖ്യ പ്രഭാഷണം നടത്തി.ചടങ്ങിൽ അബ്ദുൽ അസീസ് നരിക്കുനി ബഷീർഖാൻ കൊടുവള്ളി എന്നിവർ ആശംസകൾ അർപ്പിച്ചു സംസാരിച്ചു. വേൾഡ് കരാട്ടെ റഫറി & ജഡ്ജ്മെന്റ് യോഗ്യത നേടിയ ശരീഫ് തിരുവള്ളൂരിനും കോവി ഡ് വളണ്ടിയർമാർക്കും മണ്ഡലം കമ്മിറ്റിയുടെ ഉഹാരം പി എം സാദിഖലി കൈമാറി.
മണ്ഡലം വൈസ് പ്രസിഡന്റ് ഫിർദൗസ് മണിയൂർ പി എം സാദിഖലിക്കുള്ള ഉപഹാരം തൽകി.സംസ്ഥാന ഭാരവാഹികാളായ ഫൈസൽ അരോമ, അഷ്റഫ് കനവത്ത് ചന്ദ്രിക ഗവേർണിങ് ബോർഡ് വൈസ് ചെയർമാൻ Dr അബ്ദുസമദ്, ജില്ലാ ഭാരവാഹികളായ എം പി ഇല്യാസ്, ശരീഫ് മാമ്പയിൽ, മണ്ഡലം ഭാരവാഹികളായ സൽമാൻ എളയടം, കുഞ്ഞമ്മദ് തിയ്യാറമ്പത്ത്, അബ്ദുൽ ജലീൽ പൂളക്കൂൽ, അബ്ദുസമദ് എം കെ, റഹീം എൻ കെ എന്നിവർ സന്നിഹിതരായിരുന്നു. മണ്ഡലം ജനറൽ സിക്രട്ടറി ഷബീർ മേമുണ്ട സ്വാഗതവും വൈസ് പ്രസിഡന്റ് ഫൈസൽ കായക്കണ്ടി നന്ദിയും പറഞ്ഞു.
