സ്‌കൂൾ അവധിക്കാലമായതോടെ ഈസ്റ്റർ അവധി ആഘോഷിക്കാനും വിദേശ യാത്രകൾക്കുമൊക്കെയായി നിരവധി പേരാണ് വിമാനത്താവളത്തിലേക്ക് എത്തുന്നത്. അതുകൊണ്ട് വരും ദിവസങ്ങളിലും സിഡ്‌നിയിൽ നിന്ന് പുറപ്പെടുന്ന യാത്രക്കാർക്ക് വലിയ കാലതാമസം ഉണ്ടാകുമെന്ന് മുന്നറിയിപ്പ് നൽകിയിട്ടുണ്ട്.
ചെക്ക്-ഇൻ ചെയ്യാനും തുടർന്ന് സെക്യൂരിറ്റിയിലൂടെ ഫ്‌ളൈറ്റുകളിൽ കയറാനും കാത്തുനില്ക്കുന്ന നൂറുകണക്കിന് യാത്രക്കാരുടെ ചിത്രങ്ങളാണ് ഇന്ന് പുറത്ത് വരുന്നത്.കാലതാമസം ഉണ്ടായ യാത്രക്കാരോട് സിഡ്നി എയർപോർട്ട് സിഇഒ ജെഫ് കുൽബെർട്ട് വെള്ളിയാഴ്ച ക്ഷമാപണം നടത്തിയിട്ടുണ്ട്.
COVID-19 ക്ലോസ് കോൺടാക്റ്റ് നിയമങ്ങൾ മൂലം ജീവനക്കാരുടെ കുറവും ഈസ്റ്റർ സ്‌കൂൾ അവധിക്കാല തിരക്ക് കൂടിയതുമാണ് വിമാനത്താവള പ്രവർത്തനെ ബാധിച്ചത്.അതുകൊണ്ട് തന്നെ ഈസ്റ്റർ അവധി ദിവസങ്ങളിൽ സിഡ്നി എയർപോർട്ടിൽ നിന്ന് പുറപ്പെടുന്നവർ രണ്ട് മണിക്കൂർ നേരത്തെ എത്താനും ചെക്ക്-ഇൻ ചെയ്യാനും സുരക്ഷ ഉറപ്പാക്കണമെന്നും അധികൃതർ അറിയിച്ചു.
