രാജ്യത്തേക്ക് എ്ത്തുന്ന എല്ലാ യാത്രക്കാരും ആരോഗ്യ നിയന്ത്രണ ഫോം പൂരീപ്പിക്കണമെന്ന നിയമം റദ്ദാക്കിയതായി സ്പാനിഷ് സർക്കാർ അറിയിച്ചു. ഇതോടെ ബുധനാഴ്‌ച്ച മുതൽ രാജ്യത്ത് എത്തുന്നതിന് മുമ്പ് എല്ലാ യാത്രക്കാരും ആരോഗ്യ നിയന്ത്രണ ഫോം പൂരിപ്പിക്കേണ്ടതില്ല.
മുമ്പ്, സ്പെയിനിലേക്ക് പ്രവേശിക്കുന്ന ഓരോ യാത്രക്കാരനും, ഏത് രാജ്യത്തുനിന്നും വന്നാലും, എത്തിച്ചേരുമ്പോൾ വിമാനത്താവളത്തിൽ ഒരു ക്യുആർ കോഡ് ലഭിക്കുന്നതിന് ഫോം പൂരിപ്പിക്കേണ്ടായിരുന്നു. എന്നാൽEU ഡിജിറ്റൽ കോവിഡ് സർട്ടിഫിക്കറ്റോ EU ഇതര രാജ്യങ്ങളിൽ നിന്നുള്ള തത്തുല്യമോ ഉള്ള എല്ലാ യാത്രക്കാരും ആരോഗ്യ നിയന്ത്രണ ഫോമും പൂരിപ്പിക്കാതെ തന്നെ എത്തിച്ചേരുമ്പോൾ അവരുടെ സർട്ടിഫിക്കറ്റ് കാണിച്ചാൽ മതിയാകും.
എന്നിരുന്നാലും, പറക്കുന്നതിന് മുമ്പ്, നിങ്ങളുടെ തത്തുല്യ സർട്ടിഫിക്കറ്റ് പ്രവേശനത്തിന് സാധുതയുള്ളതാണോയെന്ന് നിങ്ങൾ പരിശോധിക്കണം,എന്തെന്നാൽ ചില രാജ്യക്കാരെ മാത്രമാണ് ഇതിൽ നിന്നും ഒഴിവാക്കിയത്. മാത്രമല്ല വാക്സിനേഷൻ നടത്താത്തവരെ ഇപ്പോഴും രാജ്യത്തേക്ക് പ്രവേശിപ്പിക്കില്ലെന്നും അധികൃതർ പറയുന്നു.12 വയസ്സിന് താഴെയുള്ള കുട്ടികളും അന്താരാഷ്ട്ര ട്രാൻസിറ്റിലുള്ള യാത്രക്കാരും ഒരു സർട്ടിഫിക്കറ്റോ SpTH QR കോഡോ കാണിക്കേണ്ടതില്ല.
അതായത് പൂർണ്ണമായി വാക്സിനേഷൻ എടുത്ത യാത്രക്കാർക്കും കഴിഞ്ഞ ആറ് മാസത്തിനുള്ളിൽ കോവിഡ്-19 ൽ നിന്ന് സുഖം പ്രാപിച്ചുവെന്ന് തെളിവുള്ള യാത്രക്കാർക്കും അവർ എവിടെ നിന്ന് യാത്ര ചെയ്താലും നെഗറ്റീവ് കോവിഡ് പരിശോധനയുടെ തെളിവില്ലാതെ അവധിക്കാലം ആഘോഷിക്കാൻ സ്‌പെയിനിൽ പ്രവേശിക്കാം.എന്നാൽ രാജ്യങ്ങളുടെ പട്ടിക പരിശോധിക്കേണ്ടതായിട്ടു്ണ്ട്.
ഇപ്പോൾ, നിങ്ങൾ സ്പെയിനിന്റെ SpTH ഹെൽത്ത് കൺട്രോൾ വെബ്സൈറ്റ് സന്ദർശിക്കുമ്പോൾ, നിങ്ങൾ രണ്ട് ഓപ്ഷനുകൾ കാണും - EU ഡിജിറ്റൽ സർട്ടിഫിക്കറ്റോ തത്തുല്യമോ ഉള്ളവർക്ക് മഞ്ഞ ബട്ടണും അല്ലാത്തവർക്ക് നീല ബട്ടണും ആയിരിക്കും കാണുക.
