ദമ്മാം: നന്മ നിറഞ്ഞ ഒരു മതേതര സമൂഹം കെട്ടിപ്പടുക്കുക എന്ന ആശയം ഉയർത്തിപ്പിടിച്ചു കൊണ്ട്, നവയുഗം ദമ്മാം മേഖല കമ്മിറ്റി ഇഫ്താർ സംഗമം സംഘടിപ്പിച്ചു. ദമ്മാം ബദർ അൽറാബി ഹാളിൽ നടന്ന സമൂഹ നോയ്മ്പ്തുറയിൽ, സമൂഹത്തിന്റെ വിവിധ മേഖലകളിലുള്ള നൂറുകണക്കിന് ആളുകൾ പങ്കെടുത്തു.

ദമ്മാമിലെ പ്രവാസി സമൂഹത്തിൽ നിന്ന് സ്ത്രീകളും കുട്ടികളുമടക്കം നവയുഗം പ്രവർത്തകരും, കുടുംബങ്ങളും, പ്രവാസി സംഘടനനേതാക്കളും, പൗരപ്രമുഖരും ഒക്കെ പങ്കെടുത്ത ഇഫ്താർ സംഗമത്തിന് നവയുഗം ദമ്മാം മേഖല നേതാക്കളായ നിസാം കൊല്ലം, തമ്പാൻ നടരാജൻ, മിനി ഷാജി, സൗമ്യ വിജയ്, മുഹമ്മദ് ജാബിർ, അൽമാസ്, സാബു, സന്തോഷ് കുമാർ, കോശി തരകൻ, ശ്രീലാൽ, ഷാനവാസ്, നഹാസ്, അലിയാർ, റിയാസ്, ഷീബ സാജൻ, ഷിബു മുഹമ്മദ്, സംഗീത ടീച്ചർ, രാജ് കുമാർ, ബിജു മുണ്ടക്കയം, ഷംന നഹാസ്, ജീന ഷാനവാസ്, അമീന റിയാസ്, അപർണ ബിജു എന്നിവർ നേതൃത്വം നൽകി.