പെരിന്തൽമണ്ണ സ്വദേശി അൽ ഐനിൽ കുഴഞ്ഞുവീണു മരിച്ചു

അൽ ഐൻ: മലപ്പുറം പെരിന്തൽമണ്ണ വലിയങ്ങാടി ഉതുവല്ലിപ്പറമ്പിലെ പഴന്തറ റഫീഖ് (54) അൽ ഐനിൽ കുഴഞ്ഞ് വീണ് മരിച്ചു. അൽ ഐനിലെ അൽ യഹറിൽ ടൈലറായി ജോലി ചെയ്യുകയായിരുന്നു.

പിതാവ്: പരേതനായ മുഹമ്മദ്. മാതാവ്: പരേതയായ നെച്ചിയിൽ ഫാത്തിമ. ഭാര്യ: ആയിഷക്കുട്ടി ചുണ്ടമ്പറ്റ. മക്കൾ: റുഖ്‌സാന, ഫർസാന, അർഷാന, ദിൽഷാന, ഷഹനാസ്. മരുമക്കൾ: അൻവർ കീരിത്തൊടി, ബഷീർ കണ്ണാടിക്കൽ, സ്വാലിഹ് കടൂപാലി, ആഷിഖ് പൊരുതിയിൽ, റാഷിഫ് പച്ചീരി. സഹോദരങ്ങൾ: അലവി, ആയിഷ, സറീന.

ആശുപത്രിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾ പൂർത്തിയാക്കിയ ശേഷം നാട്ടിലെത്തിച്ച് പെരിന്തൽമണ്ണ കക്കൂത്ത് വലിയങ്ങാടി ജുമാ മസ്ജിദ് ഖബർസ്ഥാനിൽ ഖബറടക്കും.