ഝാർഖണ്ഡിൽ റോപ്പ് വേ തകർന്ന് ഒരാൾ മരിച്ചു; 12 പേർക്ക് ഗുരുതര പരിക്ക്

ഡെറാഡൂൺ: ഝാർഖണ്ഡിൽ റോപ്പ് വേ തകർന്ന് ഒരാൾ മരിച്ചു, 12 പേർക്ക് ഗുരുതര പരിക്കേറ്റു. 50 ലധികംപേർ റോപ്പ് വേയിൽ കുടുങ്ങിക്കിടക്കുകയാണ്. രക്ഷാപ്രവർത്തനം പുരോഗമിക്കുന്നു. ദിയോഘറിൽ സ്ഥിതി ചെയ്യുന്ന ത്രികുട്ട് പർവതത്തിലാണ് സംഭവം.

ഈ റോപ്പ്വേയിൽ ആകെ 22 ക്യാബിനുകളാണുള്ളത്. പ്രവർത്തിക്കുന്നതിനിടെ റോപ്പ്വേയുടെ ബന്ധം അറ്റുപോകുകയും അപകടത്തിൽപ്പെടുകയുമായിരുന്നു . സംഭവത്തിൽ പ്രദേശവാസിയായ സ്ത്രീ മരിക്കുകയും 12 പേർക്ക് പരിക്കേൽക്കുകയും ചെയ്തു.

देवघर में हुए त्रिकूट रोप वे दुर्घटना में घायल परिजनों के प्रति गहरी संवेदना व्यक्त करता हूँ । मुख्यसचिव झारखंड सरकार व केन्द्रीय गृह मंत्री @narendramodi @AmitShah @DCDeoghar @NDRFHQ

1/2 pic.twitter.com/uAvkQomBoD

- Dr Nishikant Dubey (@nishikant_dubey) April 10, 2022

50 പേർ ഇനിയും കുടുങ്ങിക്കിടക്കുന്നുണ്ടെന്നാണ് വിവരം. ദേശീയ ദുരന്ത നിവാരണ സേന സംഘമാണ് രക്ഷാപ്രവർത്തനം നടത്തുന്നത്. സംഭവത്തെ തുടർന്ന് പ്രദേശത്ത് പരിഭ്രാന്തി പരന്നു . നിരവധി പേരെ കാണാതായിട്ടുണ്ട്.

കുടുങ്ങിക്കിടക്കുന്നവരെ രക്ഷിക്കാനുള്ള ശ്രമങ്ങൾ തുടരുകയാണ്. ദിയോഘർ ഡെപ്യൂട്ടി കമ്മീഷണർ മജുനാഥ് ഭജൻത്രിയും സ്ഥലത്തെത്തിയിട്ടുണ്ട്. സ്ഥിതിഗതികൾ നിയന്ത്രണവിധേയമാണെന്നും അദ്ദേഹം പറഞ്ഞു. ജില്ലാ ഭരണകൂടവും എൻഡിആർഎഫും നാട്ടുകാരും സഹായ, രക്ഷാപ്രവർത്തനങ്ങളിൽ ഏർപ്പെട്ടിരിക്കുകയാണ്.