യുവകലാസാഹിതി ഖത്തറിന്റെ അൽകോർ - ഗറഫ ബ്രാഞ്ചുകൾ സംയുക്തമായി സംഘടിപ്പിച്ച ഇഫ്താർ സംഗമം ശ്രദ്ധേയമായി

സ്‌നേഹസൗഹൃദങ്ങളുടെ ഒത്തുചേരലാവണം ഇഫ്താർ സംഗമങ്ങളെന്ന് ഓർമ്മപ്പെടുത്തി യുവകലാസാഹിതി ഖത്തറിന്റെ അൽകോർ - ഗറഫ ബ്രാഞ്ചുകൾ സംയുക്തമായി സംഘടിപ്പിച്ച ഇഫ്താർ സംഗമം ശ്രദ്ധേയമായി. ഇഫ്താറിന്നു മുന്നോടിയായി ജീമോൻ ജേക്കബിന്റെ അദ്ധ്യക്ഷയിൽ കൂടിയ യോഗം കോഓർഡിനേഷൻ സെക്രട്ടറി ഷാനവാസ് തവയിൽ ഉദ്ഘാടനം ചെയ്തു.

യോഗത്തിൽ ഗറഫ ബ്രാഞ്ച് സെക്രട്ടറി സിറാജുദീൻ , അൽകോർ ബ്രാഞ്ചിന് വേണ്ടി ഷഹീർ നിറവിൽ, യുവകലാസാഹിതി ഖത്തർ പ്രസിഡന്റ് അജിത് പിള്ള, കെ ഇ ലാലു, ഇബ്രൂ ഇബ്രാഹിം, ഷെരിഫ് മടപ്പാട്ട് തുടങ്ങിയവർ ആശംസകൾ അർപ്പിച്ചു.