കലാമണ്ഡലം കൃഷ്ണൻകുട്ടി പൊതുവാളുടെ 98 )o ജന്മവാര്ഷികം ഒരു പിറന്നാളിന്റെ ഓര്മ്മ 2022 മെയ് 28നു നോർത്ത് പറവൂർ കളിയരങ്ങിന്റെ സഹകരണത്തോടെ വെളുത്താട്ട് ഭഗവതി ക്ഷേത്രത്തിലെ ഹാളിൽ വെച്ച് കലാസാഗർ ആഘോഷിക്കുന്നു.
ആ പരമാചാര്യന്റെ സ്മരണക്കായി കലാസാഗർ ഏർപ്പെടുത്തിയ പുരസ്‌കാരത്തിനുള്ള നാമനിർദ്ദേശം കലാസ്വാദകരിൽ നിന്ന് ക്ഷണിക്കുന്നു. കഥകളി വേഷം, സംഗീതം, ചെണ്ട, മദ്ദളം, ചുട്ടി തുടങ്ങിയ മേഖലയിലെ കലാകാരന്മാരെയും ഓട്ടൻതുള്ളൽ, ചാക്യാർകൂത്ത്, കൂടിയാട്ടം, മോഹിനിയാട്ടം, ഭരതനാട്യം, കുച്ചുപ്പുടി, തായമ്പക, പഞ്ചവാദ്യത്തിലെ തിമില, മദ്ദളം, ഇടക്ക, ഇലത്താളം, കൊമ്പ് എന്നീ കലാവിഭാഗങ്ങളിൽ പ്രാവീണ്യം തെളിയിച്ച കലാകാരന്മാരെയും ആണ് കലാസാഗർ പുരസ്‌കാരം നൽകി ആദരിക്കുന്നത്. 40നും 70നും ഇടയ്ക്കു പ്രായമുള്ളവരും കേരളത്തിൽ സ്ഥിരതാമസമാക്കിയ കലാകാരന്മാരും ആയിരിക്കണം. ഏപ്രിൽ 28നു മുൻപ് നാമനിർദ്ദേശം സെക്രട്ടറി, കലാസാഗർ, കവളപ്പാറ, ഷൊർണ്ണൂർ, പാലക്കാട് 679523 എന്ന വിലാസത്തിലാണ് അയക്കേണ്ടത്.
പുരസ്‌കാരങ്ങൾ 2022 മെയ് 28നു സമർപ്പിക്കുന്നതാണ്.
