ന്യൂയോർക്ക്: ബ്രോക്ലിൻ സബ്വേ മെട്രോ സ്റ്റേഷനിൽ നടന്ന വെടിവെപ്പിൽ 13 യാത്രക്കാർക്ക് പരിക്കേറ്റു. രാവിലെ ന്യൂയോർക്ക് പ്രാദേശിക സമയം 8.30-ഓടെയായിരുന്നു വെടിവെപ്പ് നടന്നത്. പരിക്കേറ്റവരെ ഉടൻ ആശുപത്രിയിലേക്ക് മാറ്റി. തിരക്കേറിയ സമയത്ത് ആൾക്കൂട്ടത്തിന് നടുവിലെത്തിയ അക്രമി വെടിയുതിർക്കുകയായിരുന്നു.

മുഖംമൂടി ധരിച്ചെത്തിയ അക്രമിയെ കുറിച്ച് പൊലീസിന് വിവരം ലഭിച്ചിട്ടുണ്ട്. സ്ഥലത്തുനിന്ന് സ്ഫോടക വസ്തുക്കളും കണ്ടെത്തിയിട്ടുണ്ട്. വെടിവെച്ചയാൾ പ്രദേശവാസി തന്നെയാണെന്നാണ് പൊലീസിന് ലഭിച്ച വിവരം.

മൂഖം മൂടി ധരിച്ചെത്തിയ അജ്ഞാതൻ യാത്രക്കാർക്ക് നേരെ തുരുതുരാ വെടിവച്ചതായാണ് റിപ്പോർട്ടുകൾ. സംഭവസ്ഥലത്ത് നിന്ന് സ്ഫോടകവസ്തുക്കൾ പിടിച്ചെടുത്തതായും റിപ്പോർട്ടുകളുണ്ട്. സംഭവത്തെ തുടർന്ന് ട്രെയിൻ ഗതാഗതം താത്കാലികമായി നിർത്തിവെച്ചു. പ്രദേശത്തേയ്ക്ക് ആരും പോകരുതെന്ന് ന്യൂയോർക്ക് പൊലീസ് മുന്നറിയിപ്പ് നൽകി.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌