പ്രായപൂർത്തിയാകാത്ത പെൺകുട്ടിയെ ആളൊഴിഞ്ഞ സ്ഥലത്തുവച്ച് പീഡിപ്പിച്ചു; ഒളിവിൽ കഴിഞ്ഞ പ്രതി അറസ്റ്റിൽ

തിരുവനന്തപുരം: പ്രായപൂർത്തിയാകാത്ത പെൺകുട്ടിയെ  ലൈംഗികമായി പീഡിപ്പിച്ച കേസിലെ പ്രതി അറസ്റ്റിൽ. കടകംപള്ളി അണമുഖം ഒരുവാതിൽക്കോട്ട സ്വദേശി സൂരജ് (26) ആണ് അറസ്റ്റിലായത്. ആളൊഴിഞ്ഞ സ്ഥലത്തുവച്ച് പീഡനം നടത്തിയശേഷം ഒളിവിൽ കഴിയുകയായിരുന്നു.

തിരുവനന്തപുരം പേട്ട പൊലീസ് ആണ് സൂരജിനെ പിടികൂടിയത്. പ്രതിയെ ഊർജിതമായ അന്വേഷണത്തിനൊടുവിലാണ് പിടികൂടിയതെന്ന് സിറ്റി പൊലീസ് കമ്മീഷണർ സ്പർജൻകുമാർ അറിയിച്ചു.

ശംഖുമുഖം എ.സി.പി ഡി.കെ പൃഥ്വിരാജിന്റെ നേതൃത്വത്തിൽ പേട്ട എസ്.എച്ച്.ഒ റിയാസ് രാജ്, എസ്ഐമാരായ രതീഷ്, സുനിൽ. സിപിഒമാരായ വിനോദ്, ഷമ്മി, രാജറാം, രഞ്ജിത്ത്, അനിൽ,അൻസാർ എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതി സൂരജിനെ റിമാൻഡ് ചെയ്തു.