ദോഹ : ഖത്തറിലെ പ്രമുഖ ബിസിനസ് ഗ്രൂപ്പായ അൽമവാസിം ഗ്രൂപ്പ് ഓഫ് കമ്പനീസീന്റെ പുതിയ സംരംഭമായ ലീഗൽ ഫോർ ട്രാൻസ്ലേഷൻ & സർവീസ് തുറന്ന് പ്രവർത്തനമാരംഭിച്ചു. പ്രമുഖ പണ്ഡിതനും ദാറുൽ ഹുദാ യൂണിവേഴ്സിറ്റി വൈസ് ചാൻസലറുമായ ഡോക്ടർ ബഹാഉദ്ദിൻ മുഹമ്മദ് നദ്വി ഉദ്ഘാടനം നിർവഹിച്ചു. വിവിധ സംരംഭകർക്ക് ഉപയോഗ പ്രദമായ ബിസിനസ് കൺസൾട്ടൻസി, സാധാരണക്കാർക്കും , ലേബർ ജോലിക്കാർക്കും കോടതി , നിയമ സഹായങ്ങൾ നൽകുക എന്ന ഉത്തമ ലക്ഷ്യത്തോടെയാണ്, ഈ ഉദ്യമത്തിന് തുടക്കം കുറിച്ചതിനു പിന്നിലെന്ന് ഗ്രൂപ്പ് മാനേജിങ് ഡയറക്ടർ ഷഫീഖ് അൽ ഹുദവി അഭിപ്രായപ്പെട്ടു.
ദുബായിൽ യൂണിയൻ മെട്രോ സ്റ്റേഷൻ, ഇന്ത്യയിൽ കാലിക്കറ്റ് , ഈജിപ്തിൽ കെയ്റോ, ഖത്തറിൽ വക്ര, ദോഹ, സ്പോർട്സ് സിറ്റി മെട്രോ സ്റ്റേഷൻ, തുടങ്ങിയ ഓഫീസുകൾ ഇപ്പോൾ നടന്നു വരുന്നു. 2026 വർഷത്തോടെ യൂറോപ്പിലും ഇതിന്റെ ബ്രാഞ്ചുകൾ ആരംഭിക്കുമെന്ന് ജനറൽ മാനേജർ അബ്ദുൽ ഹമീദ് അൽ ഹുദവി പറഞ്ഞു. ഗ്രൂപ്പിന്റെ പുതിയ സംരംഭമായ അൽമവാസിം അക്കാദമി, ഗൾഫ് രാജ്യങ്ങളിൽ ജോലി അന്വേഷിക്കുന്നവർക്കും, അറബി പഠിതാക്കൾക്കും ഏറെ പ്രയോജനം ചെയ്യുമെന്ന് അഡ്വക്കേറ്റ് ജാഫർ ഖാൻ അഭിപ്രായപ്പെട്ടു, ഖത്തറിലെ പ്രവാസികൾക്ക് ഈ ഉദ്യമം വലിയ പിന്തുണയാണെന്നും നാൾ വഴികളിൽ ഖത്തറിലെ പല പ്രശ്നങ്ങളും ലേബർ കേസുകളും വിജയിപ്പിച്ചത് എടുത്തു പറയേണ്ടതാണെന്നു അദ്ദേഹം കൂത്തിച്ചേർത്തു.ആരോഗ്യ മേഖലയിലെ ഡോ മീർ മൂപ്പൻ , ഡി എസ് എം ഹെൽത്ത് കെയർ മാനേജർ ജാഫർ, ഇന്ത്യൻ കമ്മ്യൂണിറ്റി ലീഗൽ അഡൈ്വസർ അഡ്വ.ജാഫർ ഖാൻ , ഖത്തറിലെ സ്വദേശി പ്രമുഖ സംരംഭകൻ എഞ്ചിനീയർ ഹമദ് അൽ ഖാദിർ, ഖാലിദ് മഖ്ബൂൽ അൽ എബിസി, നൈജീരിയൻ സംരംഭകൻ മൂസ , സീ ഇന്റർനാഷണൽ കൺസൾന്റ്സി ഡയറക്ടർ സഫർ ഇക്‌ബാൽ സാഹിബ്, മീഡിയ പ്ളസ് സിഇഒ ഡോ അമാനുല്ല വടക്കാങ്ങര , മുഹമ്മദ് കല്ലാട് എന്നിവർ ചടങ്ങിൽ പങ്കെടുത്തു
