ജുബൈൽ: ജുബൈൽ കെഎംസിസി ഹോസ്പിറ്റൽ ഏരിയയുടെ പുതിയ കമ്മിറ്റിയുടെ പ്രവർത്തനോൽഘടനവും പ്രവർത്തകർക്കും കുടുംബങ്ങൾക്കും ഉള്ള ഇഫ്താർ സംഗമവും സംഘടിപ്പിച്ചു. ഹോസ്പിറ്റൽ ഏരിയയിലെ പ്രവർത്തകരും കുടുംബങ്ങളും പരിപാടിയിൽ പങ്കെടുത്തു. ഹോസ്പിറ്റൽ ഏരിയ കമ്മിറ്റി പ്രവർത്തനോത്ഘാടനം ജുബൈൽ കെഎംസിസി സ്ഥാപക നേതാവും സീനിയർ അംഗവും ആയ ഹമീദ് പയ്യോളി നിർവ്വഹിച്ചു.
ഹോസ്പിറ്റൽ ഏരിയയുടെ കഴിഞ്ഞ കമ്മിറ്റിയുടെ മികച്ച പ്രവർത്തങ്ങളെ പ്രശംസിക്കുകയും, പുതിയ കമ്മിറ്റിക്കുള്ള മികച്ച ഉപദേശങ്ങളും അദ്ദേഹം നൽകി. സബാഹ് അബ്ദുൽ ഹമീദ് ഖുർആൻ പാരായണം നിർവഹിച്ചു ആരംഭിച്ച ചടങ്ങിൽ റാഫി ഹുദവി, ഫാറൂഖ് സലാഹി എന്നിവർ റമദാൻ സന്ദേശങ്ങൾ നൽകി. കൂടാതെ ജുബൈൽ കെഎംസിസിയുടെ സീനിയർ നേതാക്കളായ ഹസ്സൻ കോയ ചാലിയം, ഉസ്മാൻ ഒട്ടുമ്മൽ, സൈദലവി പരപ്പനങ്ങാടി, സലാം ആലപ്പുഴ എന്നിവർ ആശംസകൾ അർപ്പിച്ചു സംസാരിച്ചു. ജനറൽ സെക്രട്ടറി ശാമിൽ ആനിക്കാട്ടിൽ മരുതല സ്വാഗതം പറഞ്ഞ ചടങ്ങിൽ പ്രസിഡന്റ് ബഷീർ വെട്ടുപാറ അദ്ധ്യക്ഷത വഹിച്ചു.
കൂടാതെ മുസ്ലിം ലീഗ് സംസ്ഥാന കമ്മിറ്റി റമദാൻ മാസത്തിൽ നടത്തുന്ന എന്റെ പാർട്ടിക്ക് എന്റെ ഹദിയ എന്ന ക്യാമ്പയിൻ ഉൽഘടനം മാസ്റ്റർ ഇബ്രൂ ഹമീദ് പയ്യോളി നിർവഹിച്ചു. സുഹൃത്തുക്കളും ബന്ധുക്കളും നൽകുന്ന നാണയ തുട്ടുകൾ ശേഖരിച്ചു വെക്കുന്ന തന്റെ സമ്പാദ്യ പെട്ടി ഇബ്രൂ ഇതിലേക്ക് സംഭാവന ചെയ്തു. ഇബ്രുവിന്റെ ഈ മാതൃകാപരമായ പ്രവർത്തനത്തെ എല്ലാവരും പ്രശംസിച്ചു. ഹമീദ് ആലുവ, ശിഹാബ് കൊടുവള്ളി, മാലിക് എമേർജിങ്, ജലീൽ മങ്കട, റിയാസ് ബഷീർ, അബൂബക്കർ കാസർകോഡ്, അസീസ് ഉണ്ണിയാൽ, ആസിഫ് ഇക്‌ബാൽ, റഷീദ് കൈപ്പാക്കിൽ, ഷിബു കവലയിൽ എന്നിവർ പരിപാടികൾക്ക് നേതൃത്വം നൽകി. ഹോസ്പിറ്റൽ ഏരിയ ട്രെഷറർ മജീദ് ചാലിയം പരിപാടിയിൽ പങ്കെടുത്തവർക്ക് നന്ദി അറിയിച്ചു.
