ഒക്ലഹോമ: ഡാലസിൽ ബാസ്‌കറ്റ് ബോൾ മത്സരത്തിനു ശേഷം കാണാതായ 15 വയസ്സുകാരിയെ കണ്ടെത്തി. ഏപ്രിൽ 8നു കാണാതായ നാറ്റ്ലി ക്രാമറെ എന്ന പെൺകുട്ടിയെ ഏപ്രിൽ 18 തിങ്കളാഴ്ച ഒക്ലഹോമ സിറ്റിയിൽ കണ്ടെത്തിയതായി അധികൃതർ അറിയിച്ചു.എന്നാൽ കൃത്യ സ്ഥലം പൊലിസ് വെളിപ്പെടുത്തിയിട്ടില്ല. അന്വേഷണം 10 ദിവസമായി ഊർജ്ജിതപ്പെടുത്തിയിരുന്നു. ഡാലസ് റിച്ച്ലാന്റിൽ നിന്നുള്ള കുട്ടിയുടെ തിരോധാനവുമായി ബന്ധമുണ്ടെന്ന് സംശയിക്കുന്ന മൂന്നു പേരെ ഒക്ലഹോമ പൊലിസ് അറസ്റ്റ് ചെയ്തു.

കേരൺ ഗൊൺസാലസ്, സാറാ ഹെയ്സ്, കെന്നത്ത് നെൽസൻ എന്നിവരാണ് അറസ്റ്റിലായത്. ഇവർക്കെതിരെ ഹൂമൺ ട്രാഫിക്കിങ്ങ്, ഗൂഢാലോചന, കംപ്യൂട്ടൺ ക്രൈംസ് എന്നീ വകുപ്പുകൾ ചാർജ് ചെയ്തിട്ടുണ്ട്. നെൽസനെതിരെ ചൈൽഡ് പൊണോഗ്രാഫിയുമായി ബന്ധപ്പെട്ടു കേസുകൾ നിലവിലുണ്ട്.

കുട്ടിയെ തിരിച്ചുകിട്ടിയതിൽ ഡാലസിലുള്ള കുടുംബാംഗങ്ങൾ ലോ എൻഫോഴ്സ്മെന്റ് ഉദ്യോഗസ്ഥർക്കു നന്ദി രേഖപ്പെടുത്തി.