കൊച്ചി: ക്രൈസ്തവ സമുദായ നേതാവും സാമൂഹ്യപ്രവർത്തകനുമായിരുന്ന അഡ്വ.ജോസ് വിതയത്തിലിന്റെ ഒന്നാം ചരമവാർഷിക പ്രാർത്ഥനാശുശ്രൂഷകളും അനുസ്മരണ സമ്മേളനവും അഡ്വ. ജോസ് വിതയത്തിൽ ഫൗണ്ടേഷന്റെ ഉദ്ഘാടനവും ഏപ്രിൽ 21 വ്യാഴാഴ്ച ആലങ്ങാട് നടക്കും. ആലങ്ങാട് സെന്റ് മേരീസ് പള്ളിയിൽ ഉച്ചകഴിഞ്ഞ് 4ന് അനുസ്മരണ സമൂഹബലി. 5.15ന് കബറിടത്തിങ്കൽ പ്രാർത്ഥനാശുശ്രൂഷയ്ക്ക് ബിഷപ് മാർ മാത്യു വാണിയക്കിഴക്കേൽ നേതൃത്വം നൽകും.
5.45ന് വിതയത്തിൽ ഓഡിറ്റോറിയത്തിൽ ചേരുന്ന അനുസ്മരണ സമ്മേളനത്തിൽ കെസിബിസി ഡെപ്യൂട്ടി സെക്രട്ടറി ഫാ. ജേക്കബ് ജി. പാലയ്ക്കപ്പിള്ളി അധ്യക്ഷത വഹിക്കും. സിബിസിഐ ലെയ്റ്റി കൗൺസിൽ സെക്രട്ടറി ഷെവലിയാർ അഡ്വ.വി സി.സെബാസ്റ്റ്യൻ ആമുഖപ്രഭാഷണം നടത്തും. അനുസ്മരണ സമ്മേളനത്തിന്റെയും അഡ്വ.ജോസ് വിതയത്തിൽ ഫൗണ്ടേഷന്റെയും ഉദ്ഘാടനം സിബിസിഐ വൈസ്പ്രസിഡന്റും മാവേലിക്കര രൂപത ബിഷപ്പുമായ ജോഷ്വാ മാർ ഇഗ്‌നാത്തിയോസ് നിർവ്വഹിക്കും. സംസ്ഥാന പ്രതിപക്ഷനേതാവ് വി.ഡി.സതീശൻ എംഎൽഎ മുഖ്യപ്രഭാഷണവും ജസ്റ്റിസ് സിറിയക് ജോസഫ്, മാർ അത്തനേഷ്യസ് ഏലിയാസ് എന്നിവർ അനുസ്മരണപ്രഭാഷണവും നടത്തും. ഫാ. പോൾ ചുള്ളി, ജസ്റ്റിസ് കുര്യൻ ജോസഫ്, ജസ്റ്റിസ് സി.കെ.അബ്ദുൾ റഹിം, മുൻ പി. എസ്. സി. ചെയർമാൻ ഡോ. കെ. എസ്. രാധാകൃഷ്ണൻ, പ്രൊഫ. ഡോ. കുര്യാസ് കുമ്പളക്കുഴി എന്നിവർ പങ്കുവയ്ക്കലുകൾ നടത്തും.
മുൻ അഡീഷണൽ ചീഫ് സെക്രട്ടറി എംപി.ജോസഫ് ഐഎഎസ്, മുൻ കേന്ദ്ര ന്യൂനപക്ഷ കമ്മീഷൻ മെമ്പർ വി.വി.അഗസ്റ്റിൻ, കത്തോലിക്കാ കോൺഗ്രസ് പ്രസിഡന്റ് അഡ്വ.ബിജു. പറയന്നിലം, സീറോ മലബാർ സഭ ലെയ്റ്റി ഫോറം സെക്രട്ടറി ടോണി ചിറ്റിലപ്പള്ളി, മുൻ സംസ്ഥാന വനിതാ കമ്മീഷൻ അംഗം ഡോ.ലിസി ജോസ്, സീറോ മലബാർ സഭ ഔദ്യോഗിക വക്താവ് ഡോ. കൊച്ചുറാണി ജോസഫ്, സീറോ മലബാർ സഭ പ്രൊലൈഫ് അപ്പസ്തോലേറ്റ് സെക്രട്ടറി സാബു ജോസ്, ഹ്യൂമൻ റൈറ്റ്സ് ഫോറം പ്രസിഡന്റ് അബ്ദുൾ അസീസ്, ലിയോൺ വിതയത്തിൽ എന്നിവർ പ്രസംഗിക്കും.
