ഡാളസ്: ഈസ്റ്റർ ദിനത്തിൽ ഡാളസ് റോക്വാൾ ലേക്ക് ഹബാർഡിൽ ഉണ്ടായ ബോട്ട് അപകടത്തിൽ മരിച്ച ബിജു ഏബ്രഹാമിന്റെ (49) പൊതുദർശനം ഏപ്രിൽ 21നു (വ്യാഴം) വൈകുന്നേരം ആറു മുതൽ എട്ടു വരെ സെന്റ് മേരീസ് മലങ്കര യാക്കോബായ സിറിയൻ ഓർത്തഡോക്‌സ് ചർച്ചിൽ.

.കരോൾട്ടൻ സെന്റ് മേരീസ് മലങ്കര യാക്കോബായ സിറിയൻ ഓർത്തഡോക്‌സ് ചർച്ച് ഇടവാംഗമാണ് പരേതൻ.രാമമംഗലം താനുവേലിൽ ഏബ്രഹാം- വത്സമ്മ ദന്പതികളുടെ മകനാണ് ബിജു. ഭാര്യ: സവിത രാമമംഗലം പുല്യാട്ടുകുഴിയിൽ കുടുംബാംഗം. മക്കൾ:ഡിലൻ, എയ്ഡൻ, റയാൻ. ബിന്ദു (ഡാളസ്) ഏക സഹോദരിയാണ്.

സംസ്‌കാരം 22നു (വെള്ളി)രാവിലെ 10നു സെന്റ് മേരീസ് മലങ്കര യാക്കോബായ സിറിയൻ ഓർത്തഡോക്‌സ് ചർച്ചിലെ ശുശ്രൂഷകൾക്കുശേഷം കോപ്പേൽ റോളിങ് ഓക്‌സ് മെമോറിയൽ സെന്ററിൽ.