ഒർലാണ്ടോ (ഫ്‌ളോറിഡ): ഒർലാണ്ടോ സെന്റ് എഫ്രേം യാക്കോബായ സുറിയാനി പള്ളിയിൽ കല്ലിട്ട പെരുന്നാളും വി .പിതാക്കന്മാരായ മോർ ഗീവർഗീസ് സഹദായുടെയും പരിശുദ്ധനായ അബ്ദുൽ ജലീൽ മോർ ഗ്രീഗോറിയോസ് ബാവായുടേയും സംയുക്ത ഓർമ്മപ്പെരുന്നാളും ഏപ്രിൽ 24 ഞായറാഴ്ച നടത്തപ്പെടുന്നു .
2013 ഏപ്രിൽ മാസം 13 ന് ഇടവക മെത്രാപ്പൊലീത്തയുടെ ആശീർവാദത്തോടെ ആരംഭിച്ച സെന്റ് എഫ്രേം യാക്കോബായ സുറിയാനിപ്പള്ളി ഇന്ന് ദൈവകൃപയാൽ ഒന്നിടവിട്ട ഞായറാഴ്ചകളിൽ വി .കുർബാനയും ഇടവകയ്ക്ക് സ്വന്തം വികാരിയും സൺഡേസ്‌കൂൾ ,വനിതാസമാജം ,സെന്റ് പോൾ പ്രാർത്ഥനകൂട്ടായ്മ, മലയാളം ക്ലാസ് ,വെക്കേഷൻ സുറിയാനി ക്ളാസ്സ് മുതലായ ആത്മീയ പ്രസ്ഥാനങ്ങളുമായി വളർച്ചയിൽ ബഹുദൂരം മുന്നോട്ടു പോയിരിക്കുന്നു . ഇടവകയുടെ എല്ലാ മേഖലകളിലും വികാരി റവ .ഫാ .പോൾ പറമ്പാത്തിന്റെ ആത്മീയ നേതൃത്വവും ദീർഘവീക്ഷണവും ദർശിക്കാവുന്നതാണ് .
വി. മാതാവ് കഴിഞ്ഞാൽ ഏറ്റവും കൂടുതൽ ദേവാലയങ്ങൾ ആരുടെ നാമത്തിലാണോ സ്ഥാപിതമായിരിക്കുന്നതു ആ പരിശുദ്ധനായ , ക്രിസ്തുവിനു വേണ്ടി രക്ത സാക്ഷ്യത്വം വഹിച്ച വിശുദ്ധനായ ഗീവര്ഗീസ് സഹദായുടെ ദുഃഖ്റോനോ പെരുന്നാൾ ഈ വർഷം കല്ലിട്ട പെരുന്നാളിനോടനുബന്ധിച്ചു ആഘോഷിക്കുന്നു . ഇതോടൊപ്പം , അന്ത്യോഖ്യ മലങ്കര ബന്ധം അറ്റുപോകാതിരിക്കുവാൻ ഇടയനില്ലാത്ത ആടുകളുടെ ഇടയിലേക്ക് ഏ .ഡി 1665 ൽ പരി .അന്ത്യോഖ്യാ പാത്രിയർക്കീസിന്റെ കല്പനപ്രകാരം സ്വന്തജീവനെ തൃണവൽഗണിച്ചു വേഷപ്രച്ഛന്നനായി എത്തുകയും മലങ്കരയിൽ നിലനിന്നിരുന്ന അന്ത്യോഖ്യാ യുടെ കൈവെപ്പിനും ആചാരാനുഷ്ഠാനങ്ങൾക്കും വേദശാസ്ത്ര പഠനത്തിനും തുടർച്ച നൽകുകയും ചെയ്ത വടക്കൻപറവൂർ പള്ളിയിൽ കബറടങ്ങിയിരിക്കുന്ന പരി .അബ്ദുൽ ജലീൽ മോർ ഗ്രീഗോറിയോസ് ബാവായുടെ ശ്രാദ്ധപ്പെരുന്നാളും ആഘോഷിക്കപ്പെടുന്നു.
ഞായറാഴ്ച രാവിലെ ഒമ്പതുമണിക്ക് റവ .ഫാ .പോൾ പറമ്പാത്തിന്റെ മുഖ്യ കാർമ്മികത്വത്തിൽ പ്രഭാത നമസ്‌കാരം ,വി .കുർബാന ,മധ്യസ്ഥപ്രാർത്ഥന, ധൂപപ്രാർത്ഥന എന്നിവയ്ക്കുശേഷം പെരുന്നാളിന്റെ പ്രത്യേക പ്രദിക്ഷണം ,കൈമുത്തു ,നേർച്ചവിളമ്പു ,ആശീർവാദം എന്നിവയോടുകൂടി പെരുന്നാൾ ചടങ്ങുകൾ സമാപിക്കും
കൂടുതൽ വിവരങ്ങൾക്ക്
റവ .ഫാ ,പോൾ പറമ്പാത്ത് (വികാരി ) Mob 6103574883
.ബിജോയ് ചെറിയാൻ (ട്രസ്റ്റി ) Mob 4072320248
. എൻ .സി .മാത്യു (സെക്രട്ടറി) Mob 4076019792
