ചെറിയ പെരുന്നാൾ: യുഎഇയിൽ ഒമ്പത് ദിവസം അവധി

ദുബൈ: ചെറിയ പെരുന്നാളിനോടനുബന്ധിച്ച് യുഎഇയിലെ ഫെഡറൽ സർക്കാർ ജീവനക്കാർക്ക് ഒമ്പത് ദിവസം അവധി. ഏപ്രിൽ 30 മുതൽ മെയ്‌ ആറു വരെയാണ് അവധി പ്രഖ്യാപിച്ചിരിക്കുന്നത്. ഏഴ്, എട്ട് തീയതികൾ ശനിയും ഞായറും ആയതിനാൽ ജീവനക്കാർക്ക് ആകെ ഒമ്പത് ദിവസമാണ് അവധി ലഭിക്കുക.

പെരുന്നാൾ മെയ്‌ ഒന്നിനാണെങ്കിൽ മൂന്നാം തീയതി വരെയും രണ്ടിനാണ് പെരുന്നാളെങ്കിൽ നാല് വരെയും അവധി നൽകുമെന്ന് ആദ്യം അറിയിച്ചിരുന്നു. എന്നാൽ പുതിയ അറിയിപ്പ് അനുസരിച്ച് പെരുന്നാൾ ഏത് ദിവസമാണെങ്കിലും മെയ്‌ ആറ് വരെ അവധി ആയിരിക്കും.

സ്വകാര്യ സ്ഥാപനങ്ങൾക്ക് നേരത്തെ പ്രഖ്യാപിച്ച നാലോ അഞ്ചോ ദിവസത്തെ അവധിയാണ് ലഭിക്കുക. ഷാർജയിലെ സർക്കാർ ജീവനക്കാർക്കും മെയ്‌ ഒമ്പതിനാണ് അവധി കഴിഞ്ഞുള്ള പ്രവൃത്തി ദിനം പുനരാരംഭിക്കുക.