കേരളത്തിലെ വയനാട് ജില്ലയിലെ കുവൈത്ത് പ്രവാസികൾക്കായുള്ള സംഘടനയായ കുവൈറ്റ് വയനാട് അസോസിയേഷൻ അംഗങ്ങൾക്കും ക്ഷണിതാക്കൾക്കുമായി ഇഫ്താർ സംഗമം മെട്രോ മെഡിക്കൽ കെയർ ഹാൾ ഫർവാനിയയിൽ സംഘടിപ്പിച്ചു. പ്രസിഡന്റ് മുബാറക് കാമ്പ്രത്ത് അധ്യക്ഷത വഹിച്ച ചടങ്ങിൽ ജനറൽ സെക്രട്ടറി ജസ്റ്റിൻ ജോസ് സ്വാഗതം ആശംസിച്ചു. രക്ഷാധികാരി ബാബുജി ബത്തേരി പരിപാടി ഉദ്ഘാടനം ചെയ്തു.

സാമുദായികമല്ലാത്ത സഹിഷ്ണുതയും സമൂഹത്തിൽ സാമൂഹിക സൗഹാർദ്ദം നിലനിറുത്തേണ്ടതിന്റെ ആവശ്യകതയും മുറുകെ പിടിക്കാൻ ബാബുജി തന്റെ ഉദ്ഘാടന പ്രസംഗത്തിൽ അംഗങ്ങളോട് ആവശ്യപ്പെട്ടു. സി.പി.അബ്ദുൾ അസീസ് റമദാൻ സന്ദേശം നൽകി. കുട കുവൈത്തിനെ പ്രതിനിധീകരിച്ച് ജിനോ എറണാകുളം, ഇതര സംഘടനകളിൽ നിന്നും പി എം നായർ, സുരേഷ് ബാബു ഫോക്ക്, വാസുദേവൻ മമ്പാട്, കെജെപിഎസ് പ്രതിനിധികൾ, അനിയൻ കുഞ്ഞ് പാപ്പച്ചൻ തുടങ്ങി പ്രമുഖർ അനുമോദന പ്രസംഗം നടത്തി. ജോയിന്റ് ട്രഷറർ ഷിജി ജോസഫും മനീഷ് മേപ്പാടിയും അംഗത്വ രജിസ്‌ട്രേഷൻ നിയന്ത്രിച്ചു, ഷിജി പങ്കെടുത്തവർക്കും പിന്തുണച്ചവർക്കും നന്ദി രേഖപ്പെടുത്തി.

 

കുവൈറ്റ് വയനാട് അസോസിയേഷൻ