ദോഹ: ടീം വെൽഫയർ വിഷു, ഈസ്റ്റർ സെലിബ്രേഷനും ഇഫ്താർ മീറ്റും സംഘടിപ്പിച്ചു. കൾച്ചറൽ ഫോറം അഡൈ്വസറി ബോർഡ് ചെയർമാൻ ഡോ. താജ് ആലുവ ഉദ്ഘാടനം നിർവ്വഹിച്ചു. വിവിധങ്ങളായ ആഘോഷങ്ങൾ ഒന്നിച്ച് വരുന്നത് ഏറെ ആഹ്ലാദകരമാണെന്നും ആഘോഷാവസരങ്ങൾ മനുഷ്യ ബന്ധങ്ങൾ ഊട്ടിയുറപ്പിക്കാനുള്ളതാണെന്നും അദ്ദേഹം പറഞ്ഞു. ടീം വെൽഫെയർ കോവിഡ് മഹാമാരിയുടെ നാളുകളിൽ ഖത്തറിലെ സർക്കാർ സംവിധാനങ്ങളുമായി ചേർന്ന് പ്രവാസി സമൂഹങ്ങൾക്കിടയിൽ നടത്തിയ സേവന പ്രവർത്തനങ്ങൾ മാതൃകാ പരമാണെന്നും അദ്ദേഹം പറഞ്ഞു.

കൾച്ചറൽ ഫോറം വൈസ് പ്രസിഡന്റ് ഷാനവാസ് ഖാലിദ്, ജനറൽ സെക്രട്ടറിമാരായ താസീൻ അമീൻ, മജീദ് അലി തുടങ്ങിയവർ സംസാരിച്ചു. ടീം വെൽഫയർ ക്യാപ്റ്റൻ സഞ്ജയ് ചെറിയാൻ ആമുഖ പ്രഭാഷണം നടത്തി. ടീം വെൽഫയർ വൈസ് ക്യാപ്റ്റൻ സക്കീന അബ്ദുല്ല നന്ദി പറഞ്ഞു. ഇഫ്താർ വിരുന്നിനോടൊപ്പം ഈസ്റ്റർ കേക്ക് മുറിക്കലും വിഷു പായസ വിതരണവും നടത്തി. ടീം വെൽഫയർ വൈസ് ക്യാപ്റ്റന്മാരായ അബ്ദുൽ നിസ്താർ, ഫഹദ് ഇ.കെ തുടങ്ങിയവർ പരിപാടിക്ക് നേതൃത്വം നൽകി