ഞായറാഴ്ച കാണാതായ പത്തുവയസ്സുകാരിയുടെ മൃതദേഹം കണ്ടെത്തി

വിസ്‌കോൺസിൽ: വിസ്‌കോൺസിൽ ചിപ്പാവെ(Chippewe) ഫോൾസിൽ നിന്നും ഞായറാഴ്ച കാണാതായ ഇല്ലിയാന ലില്ലി പീറ്റേഴ്സിന്റെ മൃതദ്ദേഹം തിങ്കളാഴ്ച രാവിലെ കണ്ടെത്തിയതായി ചിപ്വെ ഫോൾസ് പൊലീസ് അറിയിച്ചു.

ആന്റിയുടെ വീട്ടിലേക്ക് വന്നതായിരുന്നു ഇല്ലിയാന. അവിടെ കളിച്ചുകൊണ്ടിരിക്കുന്ന സമയത്താണ് കുട്ടിയെ കാണാതായത്. കുട്ടി ഉപയോഗിച്ചിരുന്നു ബൈസൈക്കിൾ അവിടെ തന്നെ ഉണ്ടായിരുന്നു. പിറ്റേദിവസം രാവിലെ വീടിനടുത്തുള്ള വൃക്ഷനിബിഢമായ പ്രദേശത്തു നിന്നും മൃതദേഹം കണ്ടെത്തുകയായിരുന്നുവെന്നും, പ്രാഥമിക പരിശോധനയിൽ ഇതൊരു കൊലപാതകമാണെന്നുമാണ് കരുതുന്നതെന്നും പൊലീസ് പറഞ്ഞു.

യൂണിഫൈഡ് സ്‌ക്കൂൾ ഡിസ്ട്രിക്റ്റ് അധികൃതർ പൊലീസുമായി സഹകരിച്ചു കുട്ടി മരിക്കുവാനിടയായ സാഹചര്യങ്ങളെ പഠിച്ചുവരികയാണെന്നും ഇന്നു രാവിലെ നടത്തിയ വാർത്താ സമ്മേളനത്തിൽ സ്‌ക്കൂൾ അധികൃതർ പറഞ്ഞു.

സ്ഥലത്തു അപകടകരമായ സ്ഥിതിയാണ് നിലവിൽ ഉള്ളതെന്നും, ഇവിടെ താമസിക്കുന്നവർ പ്രത്യേകം ശ്രദ്ധിക്കണമെന്നും പൊലീസ് അഭ്യർത്ഥിച്ചിട്ടുണ്ട്.

ഈ സംഭവത്തെ കുറിച്ചു വിവരം ലഭിക്കുന്നവർ ചിപ് വെ കൗണ്ടി ഡിസ്പാച്ചു സെന്ററിനെ 715 726 7701 എന്ന നമ്പറിൽ ബന്ധപ്പെടണമെന്ന് അധികൃതർ അഭ്യർത്ഥിച്ചിട്ടുണ്ട്.