കുന്നത്തൂർ: -ചക്കുവള്ളി മിഴി ഗ്രന്ഥശാലയുടെ നേതൃത്വത്തിൽ എച്ച് എസ് വിദ്യാർത്ഥികൾക്ക് വായനമത്സരം അറിവിന്റെ ആകാശം എന്ന പേരിൽ സംഘടിപ്പിച്ചു. സംസ്ഥാന ലൈബ്രറി കൗൺസിൽ നിർദ്ദേശപ്രകാരം സംസ്ഥാനത്തെ മുഴുവൻ ഗ്രന്ഥശാലകളിലും എച്ച് എസ് തല വായനാ മത്സരം നടന്നു കൊണ്ടിരിക്കുകയാണ്. വിജയികൾക്ക് താലൂക്ക് ജില്ലാ സംസ്ഥാന തല മത്സരങ്ങൾ വരെയാണ് സംഘടിപ്പിക്കുന്നത്.

മിഴി ഗ്രന്ഥശാല സംഘടിപ്പിച്ച വായന മത്സരം ശൂരനാട് വടക്ക് ഗ്രാമപഞ്ചായത്തംഗം ബ്ലസ്സൻ പാപ്പച്ചൻ ഉദ്ഘാടനം ചെയ്തു. ഗ്രന്ഥശാല സെക്രട്ടറി എം.സുൽഫിഖാൻ റാവുത്തർ അദ്ധ്യക്ഷത വഹിച്ചു. പി എസ് പിടിഎം എൽ പി എസ് മനേജർ അർത്തിയിൽ ഷാജഹാൻ, ശാസ്ത്രസാഹിത്യ പരിഷത്ത് നേതാക്കളായ എസ്.അനീഷ്, എം സി, അലക്‌സ്, ബാലവേദി ഭാരവാഹികളായ ഹർഷ ഫാത്തിമ ജുമാന ഷാനവാസ്, ബിജിൻ ജോൺ എന്നിവർ പ്രസംഗിച്ചു.