ന്യൂസിലന്റിലുടനീളം വളരെ കുറഞ്ഞ ടിക്കറ്റ് നിരക്കുകൾ പ്രഖ്യാപിച്ച് രംഗത്തെത്തിയിരിക്കുകയാണ് ജെറ്റ് സ്റ്റാർ കമ്പനി. ഇവരുടെ ജന്മദിന സമ്മാനമായിട്ടാണ് നിരക്കിൽ വമ്പൻ ഇളവുകൾ കൊണ്ടുവന്നിരിക്കുന്നത്.ന്യൂസിലാൻഡിലുടനീളമുള്ള പ്രധാന കേന്ദ്രങ്ങൾക്കിടയിൽ ജെറ്റ്സ്റ്റാർ 26 ഡോളർ വരെ കുറഞ്ഞ നിരക്കുകൾ ആണ് വാഗ്ദാനം ചെയ്യുന്നത്.
അതായത് ഓക്ക്ലൻഡിൽ നിന്ന് ക്രൈസ്റ്റ്ചർച്ചിലേക്കോ വെല്ലിങ്ടണിലേക്കോ ഉള്ള വൺവേ ടിക്കറ്റിന്റെ വില 26 ഡോളർ ആയി കുറച്ചു.പ്രധാന കേന്ദ്രങ്ങൾക്കിടയിലുള്ള മറ്റ് സേവനങ്ങൾ 35 മുതൽ 55 ഡോളറിലും ലഭ്യമാണ്.യാത്രാ തീയതികൾ ഓരോ റൂട്ടിലും വ്യത്യാസപ്പെടുമെന്നും ജൂൺ ആദ്യം മുതൽ ഡിസംബർ പകുതി വരെ ആനുകൂല്യം ലഭ്യമായിരിക്കും.
ജെറ്റ്സ്റ്റാർ ന്യൂസിലൻഡ് സെയിൽ മെയ് 3 ചൊവ്വാഴ്ച പുലർച്ചെ 12:00 മുതൽ 2022 മെയ് 5 വ്യാഴാഴ്ച രാത്രി 11:59 വരെ ആണ് ഉണ്ടായിരിക്കുക. യാത്രാനിരക്കുകളും മുഴുവൻ നിബന്ധനകളും Jetstar.com-ൽ ലഭ്യമാണ്.
