ബഹറൈൻ കേരളീയ സമാജം ഇൻഡോ ബഹറൈൻ മ്യൂസിക്ക് ഡാൻസ് ഫെസ്റ്റിൽ എഴാം ദിവസമായ മെയ് എട്ടാം തിയ്യതി ഞായറാഴ്ച പ്രശസ്ത കർണാടിക്ക് സംഗീതജ്ഞയും പിന്നണി ഗായികയുമായ നിത്യശ്രീ മഹാദേവന്റെ സംഗീത കച്ചേരി ഉണ്ടായിരിക്കുന്നതാണെന്നും എല്ലാ സംഗീത പ്രീയരെയും പരിപാടിയിലേക്ക് സ്വാഗതം ചെയ്യുന്നതായി സമാജം പ്രസിഡണ്ട് പി.വി.രാധാകൃഷ്ണ പിള്ളയും ജനറൽ സെക്രട്ടറി വർഗ്ഗീസ് കാരക്കലും കൺവീനർ പ്രശാന്ത് ഗോവിന്ദപുരവും പത്രക്കുറിപ്പിൽ അറിയിച്ചു.
ശാസത്രിയ സംഗീതത്തിലും ജനപ്രിയ സിനിമാ സംഗീതത്തിലും ഒരേ സമയം പ്രതിഭ തെളിയിച്ച നിത്യശ്രീ മഹാദേവൻ ഏ ആർ റഹ്‌മാനടക്കമുള്ള സംഗീതജ്ഞരുമായി നിരവധി ലൈവ് സംഗീത പരിപാടികളിൽ പങ്കെടുത്തു വരുന്നു. വയലിനിൽ വിദ്വാൻ രാഘവേന്ദ്ര റാവു, മൃദംഗത്തിൽ പ്രവീൺ സ്പർശും ഘടത്തിൽ സുകന്യ രാംഗോപാലും വോക്കലിൽ തനുജശ്രീയും വേദി പങ്കിടും.
സംഗീത പരിപാടികളിൽ താൽപ്പര്യമുള്ള മുഴുവൻ സംഗീത പ്രേമികളെയും ഇൻഡോ ബഹറൈൻ ഫെസ്റ്റിവലിലേക്ക് സ്വാഗതം ചെയ്യുന്നതായും സംഗീതം അസ്വാദനത്തിന് എല്ലാവർക്കും അവസരമുണ്ടായിരിക്കുന്നും പി.വി രാധാകൃഷ്ണ പിള്ള പത്രക്കുറിപ്പിൽ അറിയിച്ചു.
