പറവൂർ: ജെൻസ് ബ്യൂട്ടിപാർലറിൽ മോഷണം നടത്തിയ ഉത്തർപ്രദേശ് സ്വദേശി പിടിയിൽ. ഉത്തർപ്രദേശ് ഹരിയാന വില്ലേജിലെ മുഹമ്മദ് റിയ്യാൻ (23) എന്നയാളെയാണ് ആലങ്ങാട് പൊലീസ് മുംബൈയിൽ നിന്നും അറസ്റ്റ് ചെയ്തത്. വെളിയത്ത്‌നാട് തടിക്കകടവ് ഭാഗത്തുള്ള ജെൻസ് ബ്യൂട്ടി പാർലറിൽ നിന്നും കഴിഞ്ഞ ആഴ്ച മസാജർ, ഹെയർ ഡ്രയർ, ഹെയർ റെയ്‌സർ, ലോക്കറും അതിൽ സൂക്ഷിച്ചിരുന്ന മുപ്പതിനായിരം രൂപയും അടക്കം ആകെ 43000 രൂപയുടെ മുതലുകളാണ് ഇയാൾ മോഷണം ചെയ്തത്.

തുടർന്ന് നാട് വിട്ട് പോവുകയായിരുന്നു, പിന്നീട് നടന്ന അന്വേഷണത്തിൽ പ്രതി മുംബൈയിലാണെന്ന് തിരിച്ചറിഞ്ഞ് അമ്പേഷണ സംഘം മുംബൈയിലെത്തി പിടികൂടുകയായിരുന്നു. ഇൻസ്‌പെക്ടർ കെ.ജെ.പീറ്റർ, സബ്ബ് ഇൻസ്‌പെക്ടർമാരായ മുഹമ്മദ് ബഷീർ, പി.കെ.സലിം, എസ്.സി.പി.ഒ നൗഫൽ എന്നിവരാണ് അന്വേഷണ സംഘത്തിലുണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.