ബഹ്റൈൻ ഐ.സി.എഫിന് കീഴിൽ രാജ്യത്തെ പന്ത്രണ്ടു കേന്ദ്രങ്ങളിലായി പ്രവർത്തിച്ചു വരുന്ന മജ്മഉത്തഅ്ലീമിൽ ഖുർആൻ മദ്രസകൾ റമളാൻ അവധിക്ക് ശേഷം ഇന്ന് തുറക്കും. വിപുലമായ പ്രവേശനോത്സവത്തോടെയാണ് മദ്രസകൾ ആരംഭിക്കുന്നത്. സമസ്ത കേരള സുന്നി വിദ്യാഭ്യാസ ബോർഡിന് കീഴിൽ എൽ.കെ.ജി മുതൽ പ്ലസ്ടു വരെയുള്ള മദ്രസകളാണ് ബഹ്റൈനിൽ നടക്കുന്നത്.

നൂതന പാഠ്യ പദ്ധതികളോടൊപ്പം കുട്ടികളുടെ വ്യക്തിത്വ വികസനത്തിന് പ്രാധാന്യം നൽകിയുള്ള പാഠ്യേതര വിഷയങ്ങളും സിലബസിൽ ഉൾപ്പെടുത്തിയിട്ടുണ്ട്. കോവിഡ് കാലത്ത് മികച്ച രീതിയിൽ കുട്ടികൾക്ക് ഓൺലൈൻ സംവിധാനത്തിലൂടെ ക്ലാസുകൾ നൽകാനും ആധുനിക സംവിധാനങ്ങൾ ഉപയോഗപ്പെടുത്തി പരീക്ഷകൾ നടത്താനും മജ്മഉതഅ്ലീമിൽ ഖുർആൻ മദ്രസാ മനേജ്മെന്റിന് സാധിച്ചു. പുതിയ അദ്ധ്യയന വർഷത്തിന് തുടക്കം കുറിച്ച് മുഴുവൻ മദ്രസകളിലുമായി നടക്കുന്ന പ്രവേശനോത്സവത്തിന് സാമൂഹിക സാംസ്‌കാരിക നേതാക്കളും ഐ.സി.എഫ് ഭാരവാഹികളും രക്ഷിതാക്കളും സംബന്ധിക്കും. അഡ്‌മിഷനും മറ്റു വിവരങ്ങൾക്കുമായി 35490425, 39279149 നമ്പറുകളിൽ ബന്ധപ്പെടുക